SHEINA
Pumara ako kaagad ng tricycle pagkalabas ko ng apartment ni Jeron. Wala na nga akong pake kung nakita ng tricycle driver na umiiyak ako, basta pagkasabi ko ng lugar kung saan ko gustong pumunta, hindi na ako nagsalita.
Nag-ring ang phone ko, at alam ko naman kung sino ang tumatawag sa akin ngayon. Hindi niya kasi ako nahabol kaagad dahil nga boxer shorts lang naman ang nasuot niya kanina nang kumprontahin ko siya, kaya tinatawagan niya na lang ako ngayon. Natawa ako, despite myself. Napakagago talaga ng lalaking yun.
Hanggang ngayon, ang bilis pa rin ng t***k ng puso ko. Hindi pa rin kasi ako makapaniwala sa nasaksihan ko. Hindi ako makapaniwalang magagawa akong pagtaksilan ni Jeron, of all people. Siya ang pinakapinagkakatiwalaan ko eh. Mas buo pa ang tiwala ko sa kanya kaysa k
