SHEINA
Mahirap sigurong masabing back to normal na ang lahat pagkatapos ng ilang araw, pero parang ganoon na rin naman ang pakiramdam ko sa ngayon. Hindi pa rin kami makaalis ni Jeron sa bahay namin dahil wala naman kaming ibang mapupuntahan. Wala rin naman kasing silbi na lumipat kami ng bahay kung dito pa rin kami sa San Policarpio nagtratrabaho, kaya ang ginawa namin ay nag-request na lang kami nang mas mahigpit na security mula sa mga pulis.
Sinumbong kasi namin ang narinig namin sa usapan ng mga rebelde na yun doon sa may ilog, na balak pa nga rin nila akong kidnapin. Siyempre, hindi ko na dinetalye kina Larry at sa ibang mga pulis kung bakit kami nandoon, pero yun nga, ni-report namin ang tungkol sa plano nilang gamitin akong pa-in laban sa Tatay ko. Kaya naman nang sumunod na mga
