SHEINA
Akala ko namali lang ako ng dinig sa sinabi ni Kuya Kris, kaya tinanong ko siya ulit. "Ano'ng ibig mong sabihin doon, Kuya? Nandito sa San Policarpio ang mga magulang ni Jeron?"
Tumango si Kuya na mukhang hindi rin natuwa sa kung ano man ang naging interaction niya doon sa parents ni Jeron. "Oo. Yung Nanay niya ang nandito kanina."
"Kay LJ niya siguro nalaman kung saan nakatira si Jeron. Kasi ang alam ko, hindi sinasabi ni Jeron na sa akin siya nakatira dahil nga ayaw niyang mag-alala ang parents niya."
"Ah, kaya pala. Nagtaka nga rin ako kasi akala ko alam niya na dito nakatira ang anak niya kasama ka. At sino naman 'yung LJ na yun? Tita ang tawag niya sa nanay ni Jeron, kaya naisip kong hindi niya yun kapatid."
"Ah, best friend ni Jeron yun. Abogada raw yun at nagwo-work daw
