After one week . . .
“ANO‘NG problema, Dok?” tanong ni Viodeza nang mapansin nitong hindi siya mapakali.
“Si Rochell kasi hindi ko makontak. Paano na ‘yan? Kailangan natin ng maraming volunteer sa Dental Mission. Si Jhazel naman itinakbo ang ina sa ospital kaya hindi rin makakasama. Anong oras na, mahuhuli na tayo, nakakahiya sa ibang mga dentista!”
Kung kailan kasi araw ng dental mission nila ay doon naman hindi makakasama ang dalawang intern niya.
“Kalma ka lang, okay? Ako na bahala, alam ko na kung sino kokontakin ko. Ako na rin bahalang magturo sa kanila ng mga gagawin nila. Mauna ka na dahil mas kailangan ka nila roon,” bulontaryo nito.
“Basta siguraduhin mong makakasunod kayo, okay?”
Tumango ito. “Oo na, dok! Sige na, mauna ka na! Kaya ko na ‘to!” anito kaya naman kinuha na niy
