DUMATING ang araw ng kasal ay naging busy sina Princess at Mac nang umagang iyon. Maaga kasi silang gumising para sa ilang photoshoot bago ang seremoniya ng kanilang kasal kasama ang mga bride’s maid. At groom’s men naman sa kabilang palapag ng hotel. Pinagmasdan ni Princess sa huling pagkakataon ang sarili sa full length mirror. Suot niya ang isa sa mamahaling wedding dress na gawa ng isang sikat na designer sa bansa. Alam niyang pangarap iyon ng lahat ng babae sa mundo pero hindi niya magawang magdiwang dahil alam niya ang totoong dahilan ng pagpapakasal niya. Magiging mahirap iyon sa kaniya dahil sasabak na naman siya sa panibagong yugto ng kaniyang buhay. Bukod doon ay maganda rin ang pagkakaayos ng kaniyang buhok kung saan nakapusod iyon dahilan para makita ang perpektong hugis ng kan
