Maaga siyang umalis ng bahay at hindi na nakapagpaalam kay Savannah dahil sa biglaang tawag sa kanya ng Mommy ni Hazel. Natataranta nitong sinabi na nagtangkang magpakamatay si Hazel, kaya napasugod na siya agad sa bahay ng mga magulang ni Hazel na hindi naman kalayuan sa bahay ng mga magulang niya. Halos paliparin pa nga niya ang kotse para makarating agad sa bahay nina Hazel.
Kagabi matapos ang dinner nila kinausap siya ng ama about kay Hazel at Francis. Hiwalay na daw ang dalawa at hindi na matutuloy pa ang kasal ng mga ito. Sa susunod na linggo na daw pala dapat ikakasal ang dalawa at nauwi pa ang mga ito sa hiwalayan. Ilang beses na bang naghiwalay at nagkabalikan din naman agad ang mga ito. But, this time mismong Daddy na daw ni Hazel ang tutol sa pagpapakasal ng dalawa dahil sa nap
