Kinabukasan pag gising niya wala si Marco, umalis daw ito sabi ng kasambahay na naghanda sa almusal niya. Hindi tuloy niya maiwasang malungkot, dahil umalis si Marco ng wala mang pasabi sa kanya. Isama pang marami sana sila nitong pag-uusapan pa. Ang tungkol sa bagong label nila na biglaang nangyari. Tungkol sa bulaklak na binigay nito. Tungkol sa pagbili nito ng bahay sa LA, dahil daw sa kanya at marami pang iba. Sa dami ng napag-usapan nila sa dinner tungkol sa kanila, sa harap ng pamilya nito.
Kagabi pa niya napapansin na may kakaiba kay Marco, matapos makausap ang mga magulang nito sa library. Hindi nga siya nakatulog sa kaiisip kung ano ba ang pinag-usapan ng mga ito sa loob ng library, at bakit nag iba ang mood ni Marco. Naisip niyang baka minamadali ito sa pagpapakasal sa kanya, at
