“Sweetheart, Faster!”
“Coming!” Ganting sigaw ko ng marinig ko ang sigaw ni Heussaff mula sa salas ng mansion. Natataranta na dinampot ko ang aking shoulder bag saka tumatakbo na lumabas ng silid.
Subalit pagdating ko sa salas ay natigilan ako dahil sa reaksyon na nakikita ko mukha ng boyfriend ko. Salubong kasi ang kilay nito at halos hindi na maipinta ang kanyang mukha. Nang marinig ko na tumawa ang dalawang kasambahay mula sa gilid ay napakamot ako sa aking batok.
Batid ko na ang pinagtatawanan nila ay ang hitsura ko. Nagmukha kasi akong bakla sa ayos ko habang hawak ang mahabang laylayan ng aking long dress.
“Bakit nakarubber shoes ka? Nasaan ‘yung stilettos na binili ko sayo?” Nagtataka na tanong ni Heussaff. Muli, napakamot na naman ako sa aking batok dahil sa matinding hiya.
