"Sorry," kinuha ni Juliana ang platong pinagkainan ni Robert. "Sige kita na lang tayo bukas ng 12 pm. Ihahatid ko pa kasi ang lola ko sa kumare niya para naman malibang din yung tao!"
"Sige ingat ka Juliana," sambit ni Robert muli sabay halik sa pisngi ng dalaga.
Pag uwi ni Juliana sa bahay, kilig na kilig siya at hindi makatulog dahil sa matamis na halik ni Robert sa kanyang pisngi. Hanggang sa kanyang panaginip dala dala niya ang kanilang nakakakilig na pag uusap ni Robert.
Kinabukasan nagising si Juliana sa lakas ng paninigaw ng kanyang lola.
"Hoy Juliana, iisa na nga lang itong plato rito sa kusina hindi mo pa magawang hugasan. Anak ka talaga ng teteng!"
"Si lola ang aga aga mo na naman mangsermon," sambit ni Juliana na kaagad na napabangon sa kanyang higaan.
"Aba eh kung gusto m
