Kanina pa siya nakatayo at pinagmamasdan ang ganda ng view mula sa kanyang kinaroroonan, kahit na lagi niya itong ginagawa ay hindi siya nagsasawa, kahit papaano ay lumuluwag ang pakiramdam niya kapag tumutunghay siya sa mahangin at foggy view ng bay area sa lugar. Lagi din siyang nakakatanaw ng eroplano, at umaasa siyang isa sa mga lulan niyon ay si Robert. Pero agad din niyang tinatanggal sa isip ang pag-asam dahil alam naman niyang gustuhin man ni Robert ang puntahan siya ay hindi naman nito alam ang kanyang kinaroroonan. Kagabi lang ay nakausap niya si Flor, muli ay kinumusta niya si Robert dito. Nalaman din niyang hanggang ngayon ay hindi parin ito sumusukong makita siya. Lalo lamang siyang nakukunsensya.
Muli ay tumulo ang kanyang mga luha at mabilis niya itong pinahid.
"I'm so sor
