"Bro, nakakarame kana ng inom ah. Baka ihatid na naman kita sa bahay ninyo ng lasing na lasing." Paalala ni Joseph kay Robert. Ilang araw narin ang lumipas ng naisipan naring lumabas ng bahay ni Robert subalit naging tambayan na naman niya ang bahay ni Joseph or ang hang-out bar nila ng mga kaibigan, alam na rin ng mga ito ang nangyari sa kanila ni Berlyn.
"Pasaway ang asawa mo ah, pinaalis ko na siya noong magkita kami sa hospital at sinabihang huwag nang intindihin si Melanie, ayun ginawa parin niya." Si Edwin.
Siniko naman ni Joseph si Edwin upang patahimikin na at hindi na dumagdag sa sama ng loob ng kanilang kaibigan. Naka gets naman ang huli.
Walang kibong ipinagpatuloy lamang ni Robert ang pag-inom.
"Gusto mo bang pagbalik ni Berlyn ay mukha ka nang ewan?" si Noel.
"Oo nga nama
