"Senyora, kagabi pa po siya aborido, hindi nga po kumain ng hapunan, kahit ilang beses ko siyang kinatok, simula ng pumasok sa kuwarto ay hindi na lumabas." Nag-aalalang kuwento ni Linda ng pagbuksan niya ng pinto ang Mommy ni Robert kasunod ang kanyang Daddy. Tinawagan kasi sila ni Linda dahil sa pag-aalala.
Nakatingin sa direksyon ng kuwarto nila ni Robert at Berlyn ang mga nag-aalalang bagong dating. Naikuwento narin ni Linda ang ibang detalye.
"Hindi ba sila nag-away?" Tanong ng nakatatandang Mr. Gutierrez.
"Hindi po, ang sweet nga po nila bago sila nagkahiwalay kahapon."
Nag-aalalang umakyat sa taas ang nakatatandang Mrs, Gutierrez at kumatok sa kuwarto ni Robert sumunod ang Daddy nito.
Ilang katok na ay hindi parin nagbubukas ang pinto, pinihit nila ito, hindi nakalock kaya't pu
