Chapter 38
Habang naglalakad si Lucy papunta sa foodcourt ay nakatingin siya sa cellphone ni Haze na nasa kaniyang palad. Hindi rin ito pumayag na isauli niya ang cellphone. Napabuntong hininga siya, mali iyong naisip niya na kasintahan nito ang babaeng nagmessage dito. Hindi dapat siya kaagad nag-isip ng ganoon.
“Hindi naman pala girlfriend ni Haze ‘yong babae. Pero baka may gusto sa kaniya ‘yon, ano, Lucyva? Kasi sa paraan ng mensahe nito, tapos sinabi pa nito na mahal nito si Haze. Kaya lang, ang nakakuha talaga ng atensyon ko ay iyong tinutukoy ng mensahe. Ano ang ikapapamahak ni Haze?”
Ikinababahala rin niya iyon. Kung kasama ni Haze sa organisayon ang babaeng iyon ay tiyak na wala lamang ang mensahe nito na maaaring mapahamak si Haze. Ngayon ay mas tumindi ang pag-aalala niya. Ma
