Dahan dahan kong nagalaw ang aking mga daliri, sa kamay man o sa paa. Nanghihina ako. Parang may mali sa nararamdaman ko. 'Yung katawan ko'y hindi makagalaw.
Anong nangyayari sa akin?
Dahan dahan kong inimulat ang mga mata ko. Wala agad akong maaninaw na bagay liban sa malabong kulay ng mga ito. Nasaan ako?
Hanggang sa unti unti kong naaaninaw ang mga bagay sa paligid. Kulay berdeng kurtina, may makinarya sa gilid ko at may nakasalpak na tubo sa aking bunganga. Meron ding ilaw sa itaas na halos katapat lang ng ulo ko.
Sa gilid ng kama ay may taong nakatungo na tila natutulog. Nakahawak siya sa kaliwa kong kamay. At sa ibabaw ng kamay niyang nakapatong sa kamay ko ay doon nagpapahinga ang kaniyang noo.
Ginalaw ko ng bahagya ang aking mga daliri. Tama lamang upang mapansin niyang gising
