“How’s Antonio?” salubong agad ni Victoria kay Marcus pagbaba nito sa Ford Mustang na sumundo rito mula airport.
“He’s responding well to medications, Mama.” Kahit pagod ay lumiwanag ang mukha nito sa sinabi.
HIndi sila nagkamali na sa Pittsburg dinala ang anak dahil talaga namang eksperto ang mga doktor doon pagdating sa sakit sa atay, lalo sa mga bata. Kaya’t kampante rin sila na ‘di maglalaon ay tuluyan na itong gagaling.
“Good. We’re coming to visit him again ‘pag maayos na ang schedule ng Papa mo.” Pagkasabi niyon ay pinagmasdan ng babae ang anak.
Marahil ay tutok ito sa trabaho at s pamilya kaya’t tila tumanda ito nang bahagya sa dalawang buwang pananatili nito sa Amerika. Kahit ang pag-ahit ay hindi na nito maharap.
Kahit nasa ibang bansa kasi ito ay hindi iyon n
