Tila nabingi si Ruby sa sinabi ni Santi na si Raul ang may pakana sa pagbabanta sa buhay ni Pablo Ruiz. Hindi na siya nagulat pa, lalo na at nabanggit ni Pablo Ruiz noon na natatakot siya dahil nararamdaman niya na hindi niya kalaban sa pulitika ang nais na pumatay sa kaniya, kundi isa sa pamilya. At hindi nga siya nagkakamali dahil si Raul pala talaga ang nag-utos sa gunman na patayin ito.
"Paano mo nasabi? personal na inutos sa iyo ni Raul?" tanong ng detective pagkatapos ay kinuha ang kaniyang notebook upang mag-sulat ng statement nito. "Ikaw ang bumaril?"
"Alam mong hindi ako ang bumaril," sagot ni Santi lalo pa at alam nito na alama na ng detective na si Alvarado ang bumaril kay Pablo Ruiz. "Pero ako ang inutusan ni Raul na humanap kay Alvarado para patayin si Pablo Ruiz."
Kung gan
