Ellie
Puyat man ay maaga pa rin akong bumangon dahil kailangan kong tumulong kay Lola Celing at Ate Rita sa paghahanda ng agahan. Maaga rin ang call time namin para sa final practice namin sa Tactical Inspection.
Habang hinuhugasan ko ang bigas ay panay ang hikab ko. Napansin iyon ni Lola.
“Ano’ng oras ka bang natulog na bata ka? Ang sabi nitong si Rita ay hatinggabi ka na nakauwi.”
“Hindi ko na namalayan, ‘la. Siguro mga 2:30 na po ng madaling araw.” Sagot ko sa kanya bago ako nagsalin ng tubig sa kaldero.
“Dapat ay nagpahinga ka na lang muna. Kailan ang sinasabi mong program sa school ninyo?” Ani niya habang naghihiwa ng sibuyas.
“Bukas na po. Oo nga pala, Lola, kailangan ko na po magbayad para sa damit na susuotin namin.” Binuhay ko ang rice cooker at naupo sa hi
