"Okay lang po. Kaya ko naman," sagot ko at kinuha ang baso sabay nilunok iyon. Humiyaw si Gavin, maging ang ibang lalake.
"Rika," mas nangibabaw ang boses niya dahil ramdam kong mas lumapit siya sa akin.
Pinunasan ko ang gilid ng labi at matapang na hinarap siya. "May ipag-uutos ka po ba, senyorito?"
Salubong ang kilay niya at halatang nagtitimpi siya ng galit. Maya-maya pa ay bumaba ang tingin niya sa pisngi at labi ko. "Yeah, get my towel over there," utos niya.
"Okay po!" matamis na sagot ko na ikinaawang ng labi niya. Parang nabigla siya sa inasal ko.
Hay! Ewan ko rin! Hindi ko maintindihan ang sarili ko. Ayaw ko sa kanya at kay Gavin. Naiirita ako sa kanila kapag nagtatalo sila at naiipit ako. Pero gusto ko siyang makausap! Gusto kong mag-usap kami na gaya ng dati. Iyong parang m
