Mga Kaibigan
♔ Samuel
“Matapang ka na nga… kaya mo na kami harapin pagkatapos ng lahat ng mga nangyari. Naiintindihan kita sa mga nagawa mo dati, sa ngayon tatanggapin ko ang paghingi mo ng sorry. Sana maintindihan mong may alinlangan pa rin ako dahil hindi ko alam kung ano gusto mo mangyari sa inyo ng kaibigan namin. Alam kung may mga isyu pa kayong kailangan resolbahin pero huwag lang mangyaring sa huli ay talo pa rin ang kaibigan namin dahil mapapatay na talaga kita.” balik paliwanag sa akin ni Charles… natawa si Doc Zane sa banta sa akin ni Charles, pinanlakihan naman siya ng mata ni Livi
“Bilis mong magpatawad Charles, dapat diyan binabaon ng buhay… malakas lang loob niyan ngayon paano kung may aberiya na naman, tatayo na ba yan katabi ni Oli.” natatawang pasaring naman ni Doc Zane
