Dahil hindi malaman ni Primo Klausser kung paano sila makakaalis sa lugar na iyon ng labyrinth, minabuti niyang gumawa na ng aksyon bago pa mahuli ang lahat at maubusan sila ng oras.
Hinugot niya ang espada na nakabaon sa lupa at pinagmasdan ang malaking halimaw sa tubig. Patuloy ito sa paghahabol sa dalawa niyang kaibigan na halos maubos na ang enerhiya sa kakasagwan at kakatakbo palayo at pabalik. Rinig na rinig ni Primo mula sa kinatatayuan niya ang mabilis at malakas na paghingal ng dalawa.
"Are you guys fine?" pasigaw na tanong ni Primo sa dalawa na halos umub-ob na sa bangka. Hindi nga sila gumamit ng kanilang magaé at spiritual weapon upang makapag-preserve ng enerhiya, minsanan namang naubos iyon sa katatakas nila sa halimaw.
"Mukha ba kaming fine?" sarkastikong sagot ni Pizseli
