Pinagmasdan ni Dara ang mukha ni Ice. Hindi niya alam kung bakit napangiti siya bigla sa pagtitig lang dito.
Sa amo ng mukha ng lalaking ito, walang makakapagsabing mayabang talaga siya, napangisi siya. Pero may bahagi naman sa kaniya na nakakatuwa, minsan nga lang.
"Masyado ka sigurong pagod, ano? Hindi naman kasi biro talaga ang ginagawa mo as an artist and a student. Nag-aaral ka tapos nag-fi-film ka o nag-pa-practice kayo kapag may schedule. Wala ka nang panahon magpahinga at wala ka nang panahon para mag-enjoy sa buhay mo. Hindi ka ba nabe-burn-out?"
“Napapagod… pero gano’n talaga, eh. Hindi pa naman katapusan ng mundo,” sagot nito. "Kaya nga magpakabait ka na sa akin, okay?"
"Ikaw nga itong nang-aasar diyan.”
"Dara…”
“Uhm?”
“Can you sing a song for me para makatulog ako?" requ
