HABANG naglalakad sila ay hindi niya maiwasang pagmasdan ni Dara si Ice. Hindi pa rin siya makapaniwala na ang lalaking ito na pinapangarap na makasama nang maraming babae ay kasama niya ngayon dahil lang sa nagawa niyang krimen.
Iyon nga ay ang makita niya ang pinagkakatagu-tago nitong kayamanan. Hindi naman niya masyadong nakita iyon, hindi gaya nang akala nito at ipinagpapasalamat niya iyon dahil hindi pa siya ready sa ganoong eksena.
Hindi pa rin niya maisip kung papaano siya nitong napapasunod kahit inis na inis siya sa ugali nito. Hindi niya rin maipaliwanag kung bakit natutuwa ang puso niya sa tuwing may mga sinasabi ito na out of the blue-ng nakakapagpakilig sa kaniyang buong kalamnan.
May tama na rin ba ako sa utak kagaya ng mga fan na nagkakandarapa dito?
"Sobra ba akong guwa
