Chapter 13: “Happy Birthday, Happy Valentine’s Day”
NAGISING si Dara sa tunog ng alarm clock sa kanyang cellphone.
“Thank you, Lord, for this day,” saad niya habang nakapikit pa ang mga mata.
Kinuha niya ang kanyang cellphone sa ibabaw ng kanyang table at in-off iyon. It’s February 14, it’s Sunday, and it’s Luke’s birthday. Hindi pa siya nakakabili ng ireregalo sa lalaki dahil naging busy siya sa pagpa-practice nila ni Serenity. Inagahan na lang niya ang gising sa araw na iyon para dumaan sa isang shop bago magsimba. Bumangon na siya sa kanyang higaan at nagmadali siya sa paggayak.
Mula ng araw na iyon na magkatagpu-tagpo silang apat sa isang restaurant ay wala nang bumanggit sa nangyari doon sa pagitan nila. Hindi naman nagsabi si Luke sa kanya tungkol sa sinabi ni Serenity na may
