Chapter 18: “Is it too late…?”
INAANTOK pa si Ice nang tawagan siya ni Serenity. Ipinaalala nito ang schedule nila para sa araw na iyon. Kinumusta rin siya ng babae dahil hindi na siya bumalik pa sa party nang ihatid niya si Dara kagabi sa bahay nila.
Tadtad na pala ng tawag at text ang cellphone niya galing kay Serenity. Hindi man lang kasi siya nakapagpaalam o nakapag-update man lang sa nag-aalalang babae.
Hindi siya agad bumangon mula sa pagkakahiga at inalala ang ginawa niya kagabi.
Hindi niya napigilan ang kanyang sarili na pagmasdan si Dara habang natutulog ito sa tabi niya. Ang tagal na rin kasi nang muli niyang matitigan ang babae. Kahit madilim sa paligid at tanging ilaw lang sa loob ng sasakyan ang nagsisilbing liwanag ay kitang-kita pa rin niya ang kagandahan ng dalaga.
She
