Chapter 21: “Be Happy”
“SO, tatanggalin ka na lang nila ng gano’n na lang?” bulalas ni Andrei nang ikuwento niya rito ang naging desisyon ng company sa kanya.
“Puwede ka namang mag-file ng complain para ipagtanggol ang sarili mo kung gusto mo,” ani Josh.
Nagkita silang tatlo sa isang coffee shop bago siya umuwi sa kanila. Matagal na rin kasi nang huli silang magkita-kita. Agad naman niyang ipinaalam kay Luke na may lakad siya kasama ang mga kaibigan para hindi na ito mag-abala pa na ihatid siya pauwi.
Ang dalawang kasama niya lang muna ang pinagsabihan niya tungkol sa pag-terminate sa kanya bilang ghost singer at composer ng company. Tila gumuho ang mga pangarap niya nang dahil doon pero naisip niyang mas makakabuti iyon sa kanya at sa mga taong nadamay.
“Okay na iyon. Hindi lang s
