Matapos makapaglinis ng katawan ay kaagad ng bumalik sila Four sa kampo nila Alfred. Dito niya mas napatunayan na napakarami ng mga taong hawak ni Alfred. Nasa mahigit kumulang dalawang-daan ang mga tao, at karamihan din sa mga ito ay mga babae. At ang hindi maisip ni Four ay kung paano nagkasya ang ganitong karaming tao sa bahay na bato. Oo, malaki iyon pero sa tingin ni Four ay hindi magkakasya doon ang ganito karaming mga tao.
“Alfred, paano nagkasya ang mga taong ito dito?” tanong ni Four.
“Ah! Mayroong apat na underground chamber ang lugar na ito. Isa na doon ang napasok mo kanina, kung saan kami ikinulong. Malalaki ang bawat chamber at ang tatlo pa nito ay denisenyo para matirahan ng mga tao. Ito mismo ang kampo ng Black-Hound Family noon,” sagot ni Alfred. “At ang Dragonica ang m
