ARAW na naman ng trabaho. Naisip kong huwag munang isama sa mga appointment ko si Pukay. Dito na lang muna siya sa bahay. Balak ko sanang gisingin si Pukay, pero malamang tulog na tulog pa siya.
Simula noong Sabado, hindi ko na siya gaanong pinapansin. Naging busy rin naman siya kina Lolo at Lola sa pakikipagk’wentuhan. Kapag wala naman si Mommy, busy naman siya mag-scroll sa phone niya. Nahuli ko na namang tumitingin sa mga babaeng halos hubad at maninipis lamang ang damit.
“Talagang hindi ka makapaghintay na makauwi. Makita ka ni Daddy namboboso ka ng mga babae,” sita ko sa kaniya pero ang totoo, inis na inis ako.
Hindi porke hinahayaan ko siya ay p’wede na niyang gawin lahat ng gusto niya.
“E, bakit ba? Ang gaganda, oh, sexy nga nitong isa. s**t. Lusog pa ng dede,” walang pag-aalinl
