Naramdaman na lang ni Jeric na may yumugyog sa kanya kaya nagising sya at nagmulat.
"Kuya!" ani Jeric na nagmulat ng mata.
"Pasensya ka na kung naabala kita. Umuungol ka," ani Luis.
"Kamusta na po kayo?" tanong ni Jeric.
"Ayos na lang ako. Huwag mo na akong alalahanin. Gusto ko lang masigurado na ligtas ka," sagot ni Luis.
"Pakiusap huwag mo akong iwanan Kuya. Natatakot ako," pakiusap ni Jeric na niyakap ang kapatid.
"Ssh. Panaginip lang 'yun. Sige na magpahinga ka na. Hindi ako aalis sa tabi mo hanggang hindi ka nakakatulog," alo ni Luis.
Kumalas si Jeric at muling humiga. Kinumutan sya ni Luis. Nakatulog si Jeric at tahimik namang lumabas si Luis.
Kinabukasan sa paaralan, hinintay nya sa may gate si Zarah sa dating lugar. Umaambon noon.
"Anong ginagawa mo dyan, Jeremy?" tanong n
