Pagdating nila sa lobby ay kaagad nagtungo ang dalawa sa elevator. Pagbukas ay kaagad pumasok sina Zarah at Jeric. Napansin ni Zarah na balisa si Jeric.
"Nakalimutan ko ang player ko sa locker ko," asar na wika ni Jeric sa sarili.
"Hayaan mong hawakan ko ang kamay mo," ani Zarah bago sumara ang pinto.
Nagsimulang mag-hyperventilate si Jeric. Pumikit si Jeric na sinubukang magfocus pero biglang tumigil ang elevator.
"Anong nangyari?" tanong ni Zarah.
"Pasensya na po naputol po ang power supply. Maibabalik po namin ang kuryente sa loob ng tatlong minuto. Pasensya na po sa istorbo," anang boses sa elevator.
Nanginginig na ang kamay ni Jeric na napaupo.
"Kuya, may kasama po akong claustrophobic. Pakitawag po ng medical assistance. Inaatake sya ng panic attack nya," wika ni Zarah.
Napan
