PAGDATING ni Andi sa bahay nila ay agad siyang dumeretso ng kusina upang magmano sa ina dahil alam niyang kapag ganoong oras ay naghahanda na ito ng hapunan nila. At hindi naman siya nabigo nang maabutan niya itong naghihiwa na ng mga putahe roon.
Simula kasi nang tumama ang malakas na bagyo sa lugar nila sa probinsiya ay lumuwas muna ng Maynila ang pamilya ni Andi at nangupahan doon pansamantala. Pero naiwan doon ang kaniyang ama at Kuya Tope para bantayan ang bahay nila roon habang kasama naman niya ang ina at ang kapatid na si Dexter. Pero dahil weekends ay sama-sama sila ngayon sa Maynila. Si Shanstar naman ay nakitira muna sa tiyahin nito.
"Nandito na po ako!" bungad niya saka nagmano rito.
"Kaawaan ka ng diyos, anak.”
Napatingin naman ito sa likod niya na animoy may hinahanap. “
