“MAY problema ba, Mahal?” tanong ni Emer kay Shanstar habang nakayakap ito mula sa likuran niya. Gabi na at nasa terrace pa siya.
“Iniisip ko lang iyong tungkol kay Vivian. Kapag naiisip ko iyon parang nakokonsensiya ako kay Bessie. Hindi ko alam kung paano ko ba siya haharapin. Nasanay kasi ako na walang itinatago sa kaniya,” madamdaming wika niya.
Humigpit ang yakap ng nobyo sa kaniyang baywang. “Kahit naman ako, Mahal, eh. Pero isipin mo na lang na kailangan natin gawin ito para sa ikabubuti ni Andi.”
Nagpakawala siya ng malalim na buntong-hininga. “Kung pwede lang hilahin ang oras at panahon para matapos na ang problema nilang ito. . .”
“Huwag ka mag-alala, Mahal. Magiging maayos din ang lahat,” bulong nito.
Sandaling katahimikan ang bumalot sa kanilang dalawa nang basagin iyon ni
