Tiningala ko ang pamilyar na imahe ni Vincent. Hindi ko alam kung parte lang ba siya ng aking halusinasyon o talagang totoo ito. Lalo na’t sa nangyayari, parang ang hirap paniwalaan na narito siya sa harapan ko.
Wala sa sarili kong inabot ang kanyang kamay na nakalahad sa akin. Nang maramdaman ko ang init ay namuo ang panibagong luha sa aking mga mata. Para akong nakahanap ng init sa kabila ng lamig na yumayakap sa buo kong katawan.
Hinila niya ako patayo. Ngunit sa panghihina ay mabilis akong napahawak sa kanyang balikat. Sinalo agad ako ni Vincent at mas hinila papalapit sa kanya nang makarating ako sa kanyang kinatatayuan lalo na’t may upuan pang nakaharang sa aming pagitan.
Pumikit ako ng mariin at isinubsob ang aking mukha sa kanyang balikat. Umiyak ako habang nanginginig sa main
