Magaan ang aking nararamdaman noong gumising ako kinaumagahan. Namalagi pa rin sa aking isipan ang mga pinag-usapan namin kagabi ni Vincent. Namula ako nang mapagtantong umamin ako sa aking nararamdaman, na sinabi ko mismong mahal ko siya.
At kagaya ng kanyang gusto ay hahayaan niya munang magpahinga ang aking puso. Hayaan na munang maghilom na ang sugat ng kahapon. Sigurado naman ako sa aking nararamdaman para sa kanya ngunit nasusugatan iyon dahil sa nakaraan. At aaminin kong natatakot ako na baka matulad kaming dalawa kung nagmadali agad kami.
Ngunit bakit ko ba kinukumpara si Vincent kay Daniel? Iba siya. At sigurado akong hindi niya uulitin ang pagkakamali ni Daniel na sumugat sa buo kong pagkatao. Alam kong hindi siya gano’n. Oo at hindi man gano’n ka ganda ang mga itinakbo ng ka
