أيقنت سعادتي

الفصل السابع 7️⃣🤍

ريم : " لأ يا ماما ، مفيش حاجة . "

قعدت ريم و أمها چيهان في البلكونة يشربون النسكافيه ، لكن ريم كانت مشغولة بعقلها و بتفكر يا ترى هـ تشوفه تاني في حلمها ؟ ، و لا هـ يسيبها في حالها ! ! .

✿❀ ★✯☆ •°• ✾ •°• ☆✯★ ❀✿

ذهبت ريم للشركة علشان تمضي عقد العمل و تستلم وظيفتها .

ريم : " ان شاء الله اسافر امتى الغردقة ابدأ الشغل هناك ؟ . "

الموظف : " تقدري من يوم سبت الاسبوع الجاي تـ كوني هناك في فرع تستلمي وظيفتك ، بـ التوفيق ان شاء الله . "

خرجت ريم من الشركة و هي بـ تمتلكها مشاعر مختلطة فرحانة بـ الوظيفة الجديدة ، و خايفة من فكرة السفر و البعد عن أسرتها ، خايفة من الحلم اللي شافته ، و قلقانة لـ يظهر صخر ليها تاني في منامها . . .

ريم و هي تحدث نفسها : " يا رب هو انا ليه بـ يحصل معايا كدة نفسي ارتاح و نفسي أفرح و أحس بـ الإستقرار و لما اقرب احقق حاجة تيجي حاجة تانية تبوظ و تضيع فرحتي ، لازم حاجة غلط تدخل تبوظ حياتي ، نفسي الشغل يكون كويس و ارتاح فيه ، يا رب انت عالم بيا انا بـ تمنى الخير لـ لناس ، ابعد عني كل اذى . "

چيهان والدة ريم : " حمد الله على السلامة ريم ، نقول مبروك مضيتي عقد الوظيفة . "

ريم : " اه يا ماما الحمد لله ، انا هـ دخل انام علشان تعبانة شوية . "

چيهان : " طب اتغدي الأول يا حبيبتي . "

ريم : " لأ يا ماما لما هـ صحى اتغدي ، محتاجة انام أكتر . "

❥ ❦✿❀★✯☆•°• ✾ •°•☆✯★❀✿❦ ❥

تدخل ريم غرفتها و اول ما نظرت لـ سريرها رجعت لـ الوراء و نادت على أمها ،

ريم : " ماما . . . ماما ، ممكن تيجي تقعدي جنبي و انا نايمة . "

چيهان : " حبيبتي اية الطلب الغريب ده خلاص انتي كبرتي على كدة ، ثانيا انا مشغولة ، نامي و ارتاحي انت يا ريم . "

دخلت ريم الغرفة و سابت باب الغرفة مفتوح من الخوف ، و قعدت على السرير تفكر في الجن صخر و مش قادرة تصدق و لا تستوعب انها شافت جن حقيقي و اتكلمت معاه ، حاولت انها متنامش ، لكن النوم غلبها و نامت ريم . . .

꧁ ❦✿❀★✯☆•°• ✾ •°•☆✯★❀✿❦ ❥꧂

و بعد ساعة من نومها . . .

لقت ريم نفسها في نفس المكان اللي قابلت فيه صخر ، من خوفها قعدت تلف حوالين نفسها و في كل المكان تدور على طريق لـ الهروب ، و فجأة لقت قدامها صخر . .

فـ قال صخر لها : " انتي فاكرة لما تنادي أمك تنام معاكي كدة مش هقدر اجيلك في حلمك و لا اشوفك ، و لما تسيبي باب الأوضة مفتوح مش هقدر اكون معاكي ! ! ! ، حقيقي أوقات البشر بـ يفكروا بـ طريقة تضحك ! ! . "

فـ ردت ريم عليه : " انت عاوز مني ايه ؟ ، انا قلتلك ابعد عني . "

فـ رد صخر عليها قائلا : " و انا قلتلك أطلبي اي حاجة في الدنيا هحققهالك ، إلا الطلب ده ممكن يأذيكي . "

فـ قالت ريم له : " يعني بـ تهددني تاني ! ! . "

فـ قال لها صخر : " انا مش بـ هددك ، انا بحبك حقيقي بحبك ، و انتي غ*ية مش قادرة تصدقي اني بحبك ، و ان سعادتك هـ تكون معايا انا ، مستحيل اسيبك تبعدي عني طب جربي كدة تطلبي أي حاجة ، اي حاجه و انا هحققهالك إلا انك تطلبي أبعد عنك . "

تنظر له ريم و يملاء عيناها الدموع و لا تعرف ماذا تقول له . . .

فـ قال لها صخر : " تعالي معايا هود*كي مكان عمرك ما شفتيه قبل كدة ، و هـ تحبيه كتير أوي نتكلم هناك . "

فـ قالت له ريم بـ نفور : " لأ انا مش هـ مشي معاك انا معرفكش . "

فـ رد عليها صخر : " قلتلك متخافيش و مش هـ نمشي بعيد ، احنا هـ نطلع فوق الجبل ده المكان فوق هـ يعجبك و هـ ترتاحي . "

ثم يقترب منها صخر ، و يحاول تهدئتها و عدم إخافتها منه و يطمئنها .

يقترب و يمسك بيدها ، تمشي معه ريم و تصعد معه لقمة الجبل . . .

صخر ينظر الي وجه ريم البريء و هو مبتسم . . .

فـ قال صخر موجهاً كلامه الي ريم : " انا أسعد جن دلوقتي علشان معايا الإنسانة اللي حبيتها و قاعدة معايا هنا ، ممكن اطلب منك طلب ، ممكن لما تكلميني تنطقي اسمي عايز اسمع اسمك منك يا ريم . "

فـ قالت ريم له : " صخر ، انت شكلك جميل و أكيد هتلاقي حد من قبيلتك هـ تحبك ، لكن انا منفعش انا أنسية ، ممكن بقى تسيبني اروح اعيش حياتي زي أي بنت ، و انت كمان تعيش حياتك هنا زي اي انسان ، اقصد زي اي جن . "

فـ رد صخر عليها قائلا : " و مين قالك اني ملقتش حد هنا يحبني علشان كدة جتلك انتي ! ! ، انتي تعرفي ان حواليكي جنيات مش حابين يشوفوكي معايا دلوقتي علشان كانوا يتمنوا يتزوجوني ، بس انا من اول يوم شفتك فيه يا ريم و انا حبيتك و كنت جنبك من اول يوم ليكي في الدنيا مسبتكيش لحظة واحدة حتي غير لما كنت معاكي . "

فـ قالت له ريم : " تقصد ايه ! ! ، انت كنت معايا من اول يوم اتولدت فيه ! ! ، و حبتني من و انا طفلة . "

فـ رد صخر عليها قائلا : " أيوة يا ريم حبيتك من قبل ما تفتحي عيونك الحلوة دي ، أي أنسان عندكم هـ يقدر يـحب حد الحب ده كله ، مستحيل تلاقي انسان عندكم بـ يعرف يحب و بـ يخلص في حبه اوي كدة ، انا بـ شوف عندكم نزوات مش حب ، و اللي بـ يحب يحب سهر او اتنين و بعدها بـ يسيب حبيبه ، انتوا حياتكم مليانة كذب كبير اوي . "

فـ قال ريم له و هي تتفق على كلامه : " صح ، كلامك صح . "

فـ قال صخر لها : " خليكي معايا يا ريم ، و انا أوعدك هـ خليكي أسعد انسانة في الدنيا ، و مش هـ تتمني امنية الا و حققتها ليكي ، بس بـ شرط اكون معاكي . "

فـ قالت ريم له : " أكون معاك إزاي يعني ؟ ؟ ، انا ليا حياتي هناك في عالمي ، و انت ليك حياتك هنا ، مينفعش الي بتقوله ده . "

فـ قال صخر لها : " هـ ينفع متفكريش في الموضوع ده ، انا هكون معاكي في كل لحظة في حياتك ، و لما نحب نتقابل هـ نتقابل هنا في قبيلتي ، بس أكون جنبك يا ريم ، شايفة يا ريم الجنيات اللي تحت شوفتي جمالهم ، كل دول هـ يكونوا في خدمتك انتي بس توافقي تكوني معايا . "

فـ قالت ريم له : " صخر ، انا متلخبطة و مش عارفة أقولك ايه ، لأني لحد دلوقتي مش قادرة استوعب اللي انا فيه ؤ الي هو مش عادي و لا طبيعي ان انا اكلم جن زيك كده و وش لـ وش كمان ، و كمان مشغولة بـ فكرة السفر و شغلي ، داخلة على مرحلة شاغلة تفكيري . "

فـ قال لها صخر : " متخافيش يا ريم لو الشغل ده هـ يخليكي تكوني مبسوطة ، انا هكون جنبك فيه و مش هخلي أي حد يقرب منك و لا يأذيكي ، انا بس عايز اشوف ضحكتك اللي مشفتهاش غير كام مرة ، و انتي صغيرة طفلة ، و من اول ما كبرتي و انتي كل ضحكتك مصطنعة بس علشان تجاملي اللي حواليكي ، اغلب الوقت كنت بـ لاقي جواكي حزن ، علشان كده محدش منهم الإنس يستهلك و لا هيقدر يسعدك . "

فـ قالت ريم و هي تحاول ان تغير الموضوع ، قائله له : " هو انا المفروض نايمة في اوضتي دلوقتي . "

فـ رد صخر عليها قائلا : " أيوة و كل ما تنامي هـ تلاقيني جنبك و معاكي . "

فـ قالت ريم له : " بس اوعى تلمسني . "

صخر ينظر لها بـ إبتسامة و حب . .

ثم قال لها صخر ، بـ إبتسامة تزين وجه : " متخافيش انا مش هـ لمسك غير بـ إرادتك انت ، انا مسلم زيك يا ريم ، و اشهد ان لا اله الا الله . "