أيقنت سعادتي

الفصل الثامن عشر 1️⃣8️⃣💛

✿❀ ★✯☆ •°• ✾ •°• ☆✯★ ❀✿

عادت ندى زميلة ريم الى الغرفة لـ تجد ريم نائمة .

ندى : " ريم إصحي يلا علشان نلحق ميعاد الغدا . "

ريم : " أنا صحيت يا ندى ، هغسل وشي بـ سرعة و دقايق اكون جاهزة و ننزل . "

بعد دقايق نزلت ريم و ندى لتناول طعام الغداء ، و اثناء اجماعهم على مائدة الطعام ، سألت ريم ندى . .

ريم : " ممكن أسألك سؤال يا ندى ؟ ؟ . "

ندى : " انتي لسة بتتكلمي بـ رسميات معايا لية يا ندى ، حبيبتي اعتبريني زي اختك ، اتفضلي يا حبيبتي اسألي . "

ريم : " بـ تحبي القراءة ، يعني قريتي في كتب عن عالم الجن ، و لا بـ تخافي . "

ندى : " لأ خالص هـ خاف من إيه ! ! بـ الع** الكل بـ يشهد اني جريئة و شجاعة و مش بـ خاف ، و قريت كتير كتب عن الجن ، القراءة بـ النسبالي الشيء الونيس ليا بعد رجوعي من الشغل و اقعد لـ وحدي . "

ريم : " طب تمام ، انا محتاجة اعرف منك حاجة ، هو ينفع يكون فيه قصة حب بين جن و إنسية ؟ . "

ندى وهي تتناول طعامها و تكلم ريم قائلة : " اه طبعاً انا قريت كتير عن حب الجن مع الإنس ، سواء جني مع انسية ، أو جنية مع إنسي ، و كمان أوقات بـ توصل العلاقة ده للزواج ، و الخلفه منهم كمان ، ده حسب ما قريت ، ياااه يا ندى الموضوع ده في كلام كتير و حكايات أساطير و ألف ليلة و ليلة ، ممكن أعرف بـ تسأليني ليه في الموضوع ده ! . "

ريم : " ابداً كل الحكاية اني سمعت عن قصص حب بين الجن و الإنس و مصدقتش ، فقلت اسألك . "

ندى : " لأ يا ستي اسألي ، أوقات كتير الواحد مش بـ يلاقي نفسه مع حد و ان اللي حواليه خذلوه ، فـ بيدور عن حبيب و في بعض الأوقات بيكون من عالم آخر . "

ريم : " بس الموضوع ده يخوف شوية . . . ازاي يعني احب جني ، و لو حبيت هتعامل ازاي . "

ندى : " عادي جداً الجن مخلوقات ربنا سبحانه و تعالى خلقهم زي ما خلقنا كلنا مخلوقات عند ربنا ، لازم نؤمن بـ وجودهم في حياتنا علشان هما أوقات كتير بـ يشاركونا حياتنا ، و بيني و بينك ، الست مننا بـ تحب أي حد بـ يكون حنين عليها و مهتم بـ يها ، فاكرة فيلم الجميلة و الوحش و فيلم كينج كونج ، في فيلم الجميلة و الوحش البطلة حبت وحش علشان لقيته حنين عليها و مهتم بـ يها مهتمتش بـ شكله و لا هو ايه هي حبت حبه ليها ، و نفس الموضوع في فيلم كينج كونج البطلة حبت غوريلا ، انهم النساء يا عزيزتي يعشقون الحب من اجل الحب و الحنان و الإهتمام . "

ريم تنظر لها و تسرح في كلامها و توفقها الرأي بأن تهز رأسها . "

ريم : " يعني انتي لو جالك جني و حبك بجد و كل اللي تتمنيه بيكون عندك ، هتحبيه . "

ندى تتكلم بحماس و بإبتسامة : " طبعاً هحبه ، هو فيه واحدة عاقلة تسيب حد بـ يحبها و بـ يتمنالها الرضا ترضى ، هو فين ده بس هو يجي جن او إنس المهم انه يكون بـ يحبني . "

ثم تضحكان سوياً و يتناولون الطعام ، و لكن يبدوا ان كلام ندى أقنع ريم . .

ندى : " أسألك انا بقى يا ريم ، انتي بتحبي ؟ ، يعني فيه شخص في حياتك ؟ . "

ريم : " كان فيه و الحياة مكتملتش بينا ، النصيب كان لحد كدة . "

ندى : " كان خطيبك ؟ . "

، ريم : " لأ كنا متزوجة و محصلش نصيب اننا نكمل حياتنا سوا ف إنفصلنا . "

ندى : " ولا يهمك هو الخسران ، هو فيه حد يسيب القمر و الرقة ده ، ان شاء الله حبيبتي بكرة ربنا يرزقك باللي يقدرك و يحبك و يتمنالك الرضا ترضي . "

ريم في هذه اللحظة تذكرت صخر و حبه لها ، تنظر ندى الى الخاتم الذي ترتديه ريم الذي أهداها لها صخر و هو خاتم في غاية الجمال ليس له مثيل خاتم من عالم الجان به حجر الماس ليس له مثيل في اللون لفت نظر ندى فتسألها ندى عن الخاتم . . .

ندى : " معقول جمال الخاتم اللي في ايدك ده يا ريم ، جميل أوي ، و خصوصاً الفص اللي فيه شبه الألماس الحقيقي ، و اجمل من الحقيقي كمان ، جيباه منين يا ريم ، و بكام ؟ ؟ . "

ريم : " ده عمي اشتراه ليا من بره مصر ، مش موجود منه هنا و معرفش سعره ، انتي عارفة الهدية مش بـ يتقال سعرها . "

ندى : " اه يا حبيبتي تتهني بيه ، انا خلصت أكلي هروح أغسل ايدي و يلا استعدي نتمشى شوية انهاردة علشان اف*جك على المدينة هنا فيه اماكن حلوة كتير هتعجبك ، و متقلقيش هنرجع بدري علشان نلحق ننام بدري لشغل بكرة الصبح . "

ريم : " و انا كمان خلصت و محتاجة اتمشى شوية ،. يلا بينا "

✿❀ ★✯☆ •°• ✾ •°• ☆✯★ ❀✿

الأميرة نائلة : " ما الذي فعلته يا صخر . "

صخر : " أمي هي التي تدخلت في حياتي ، و صفعتني ، وما كان علي إلا ان ادفعها بـ قوة . "

نائلة : " عن ماذا تتكلم يا صخر ؟ . "

صخر : " ألست تتكلمين عن زمردة ! . "

نائلة : " لا يا صخر لا أتكلم عن زمردة و لكن يبدوا ان هناك أشياء أخرى حدثت و لم أعرفها ، انا اتكلم عن تقصيرك في عملك مع الملك ، يبدو انك حبك للإنسية أنساك وظيفتك الحقيقة ، ألست انت المسؤول عن خزانة الملك و أمن الملك و القصر ، إن حدث أي خطأ قرابتك من الملك لن تجعله يعفو عنك . إحترس يا صخر لا نريد أي أخطاء في المملكة ، ان الملك له أعداء سوف ينتهزون فرصة غيابك بإستمرار ، و بذلك يمكن ان تعرض الملك للخطر . "

صخر : " لا تقلقي يا أمي ، لا أحد يستطيع ان يتسلل داخل القصر من دون علمي . "

❥ ❦✿❀★✯☆•°• ✾ •°•☆✯★❀✿❦ ❥

في شوارع الغردقة تتجول ريم مع زميلتها ندى ، و تتحدثان في أمور عديدة ، شعرت ريم بإرتياح تجاة ندى ، حاولت ان تصارحها و تكلمها عن صخر و لكن كانت تتراجع خوفاً من ان لا تصدقها أو يغضب صخر ، جلست ريم و ندى على شاطيء البحر تتحدثان . .

ندى : " انتي عارفة يا ريم ان فص الألماس اللي موجود في الخاتم بتاعك بيستخرج من قاع البحار و المحيطات ، علشان كده بيكون غالي جداً . "

ريم : " انتي شكلك بتحبي تقري كتير يا ندى ،. طب تفتكري مين اللي بيجيب الفصوص النادرة ده ؟ ! . "

ندى : " مجموعة متخصصة من الغواصين الماهرة ، و اوقات بيتفقوا مع دجال ، علشان الدجال هو الوحيد اللي بيعرف لغة الجان ، و كمان يعرف يتعامل معاهم و يأمر بعضهم يغطي في اعمق اماكن في البحار يأتوا له بالألماس و الياقون و الأحجار النادرة . "

ريم : " علشان كده الأحجار ده بتكون غالية جداً ! . "

ندى : " بالظبط كدة ، علشان بـ يستعينوا بالجن فيها . "

ريم : " الجو هنا جميل جداً ، حقيقي انا حاسة اني هكون مبسوطة هنا في الشغل . "

ندى : " أكيد ، فريق العمل في الشركة كلهم ناس هترتاحي في الشغل معاهم ، و هتحسي اننا عيلة واحدة . "

ريم : " من سنين و انا كأني بدور على حاجة ارتاح لها و احبها مكنتش لقياها ، و لا اعرف شكلها هيكون ايه ! ، المهم اني احس بالأمان و الراحة و الهدوء ، تصدقي يا ندى انا اول ما قعدت في اللحظة ده قدام البحر بالليل حسيت براحة عجيبة مفتقداها من سنين ، اخواتي كلهم اتجوزوا و بقى ليهم حياتهم و مشاغلهم و هما مبسوطين بيها ، لكن انا طول الوقت كنت بدور على شيء ينقصني ، مش شرط يكون رجل او زواج لأ خالص ، بالع** اوقات بـ ترتاحي و انتي بعيدة ، بعيدة عن أي دوشة و ضوضاء ، بعيد عن اي الوان مزيفة و صداقات مزيفة و ناس منافقة ممكن تكون في حياتنا و دول بيسببوا لينا طاقة سلبية ، احنا محتاجين نبعد بعيد ، ندور فين راحتنا ، فين سعادتنا ، الحياة هنعيشها مرة واحدة ، ليه نعيشها مع ناس غلط ناس سلبيين منافقين كذابين ، علاقات مؤقتة بتاخد مننا مبتديناش ، حقيقي قبل ما اجي هنا كنت خايفة اكون هنا لوحدي و في مكان غريب لوحدي ، بس لما وصلت إحساس الخوف ده اختفى و كأني كنت بزور المكان هنا من سنين ، حبيت البحر و ريحته ، انا حقيقي حاسة اني هكون مبسوطة هنا و هلاقي نفسي هنا . "

ندى : " انتي شخصية جميلة و حساسة أوي يا ريم . "

ريم : " الوقت اتأخر يلا نروح علشان نلحق ننام و نصحى بدري لـ الشغل . "

❥ ❦✿❀★✯☆•°• ✾ •°•☆✯★❀✿❦ ❥