MAXINE’S POV
Andito kami ngayon sa bayan ng Lucban kung saan ipinagdiriwang ngayon ang Pahiyas Festival. Tuwing ika-labing lima ng buwan ng Mayo ang araw ng Pahiyas Festival at ipinadiriwang ito upang pasalamatan ang patron ng mga magsasaka, na si San Isidro Labrador dahil sa masaganang ani ng taon. Dito sa bayan ng Lucban ay makikita mo ang mga bahay na may iba’t- ibang dekorasyon na hindi mawawala ang kiping.
Ipinapasyal namin ngayon ang dalawang bata at tuwang-tuwa sila sa nakikita nilang mga bahay na may dekorasyon ng kiping.
“Wow! Ang ganda!” puri ni Grey sa mga bahay na madaanan namin.
Naglalakad lang kami ngayon dahil hindi p’wede ang sasakyan dito sa gitna ng bayan, dahil sa dami ng tao na dumadagsa dito sa Lucban tuwing Pahiyas. Kaya kami naman nina Lucas ay nagp
