17

2032 Words

(17) بــعد مـــرور شهـــر ••••‹‹‹‹‹‹‹‹‹‹‹‹‹‹‹‹•••• فتحت ليان عيونها ببطء بسبب الشمس اللي دخلت الاوضة وصحتها.. بصت ليان جمبها فملقتش اسر فقامت من مكانها بقلق وقعدت على السرير وهي بتبص في الساعة فلقتها 12 الضهر.. نزلت ليان من على السرير وبدات تدور على اسر في كل مكان واتاكدت انه مش موجود في الفيلا فرنت على موبايلها وكنسل عليها اسر! حطت ليان ايدها على قلبها بخوف وقلق وهي بتفكر يا ترى راح فين؟ كانت واقفة في المطبخ بتشرب مية وهي بالها مشغول عليه وفجأة سمعت صوت باب الفيلا بيتفتح! راحت بسرعة عشان تشوف مين ولقته اسر واقف على رجله من غير عكاز وفك الجبس فصرخت من الفرحة وجريت عليه وحضنته جامد ف*جع بضهره للبوابة بسبب اندفاعها ليه ورجله لسه متعافتش بشكل كامل يدوبك قادر يقف ويمشي.. حضنته ليان بفرحة شديدة وهي بتطبطب على ضهره وقالت: الحمدلله على سلامتك يا اسر، الحمدلله، متعرفش انا فرحانة عشانك الوقتي ازاي بادلها اسر الحضن وعلى وشه ابتسامة سعيدة وقال: الحمدلله يا حبيبتي... سكت اسر فجأة لما سمع الكلمة اللي خرجت من بوقه من غير ما يحس وكان ليها نصيب من نفس الصدمة وفاقت لنفسها واكتشفت انها حضنته وانه قالها يا حبيبتي! بعدت ليان عنه بتوتر وهو شال ايده عنها والاتنين عملوا نفسهم مش فاهمين حاجة وقرروا يتجاهلوا!! دخل اسر الفيلا وهي مشيت جمبه ودخلوا الصالون وقعدوا قصاد بعض.. ليان: ليه مصحتنيش عشان اروح معاك يا اسر؟ اسر: قولت بلاش اصحيكي ليان: لا عادي بس الحمدلله انك رجعت بخير يا اسر اسر: الحمدلله، انا قررت قرار كدا وحابب اخد رأيك فيه.. ليان: ايه هو؟ ‹‹‹‹‹‹‹‹‹‹‹‹‹‹‹‹ "في شركة الالفـي" وصل انس الشركة بعدما كان مع اسر في المستشفى ووصله للبيت.. طلع انس الشركة بسرعة عشان الاجتماع اللي عنده بعد دقايق.. فتح باب الاسانسير ودخل مكتبه ولقى حنين دخلت وراه.. حنين: عملتوا ايه، اسر بقى كويس؟ انس: الحمدلله تمام،ايه اخبار الشغل حنين: متقلقش ميه ميه انس: الاجتماع لسه عليه قد ايه حنين: حوالي 20 دقيقة، انا حضرتلك شوية سندوتشات النهاردة قبل ما اجي، هجيبهملك تاكل ويكون الشاي جهز عشان تدخل الاجتماع مصحصح كدا انس: بتدخليلي من ثغراني يا حنين يلا هاتي السندوتشات واقعدي كلي معايا وانا هكلمهم يجبولنا اتنين شاي، اشطا! حنين بضحك: اشطا ‹‹‹‹‹‹‹‹‹‹‹‹‹‹‹‹ "في شركة الموجي" احمد كان بيحضر اجتماع مع شركة تانية بدلا من والده اللي بقى بيقعد كتير في البيت بسبب ظروفه الصحية وبيكتفي انه يتابعه بالتليفون.. بعد ما خلص الاجتماع بتاعه دخلتله الموظفة اللي بتشتغل مكان اخته ليان.. نرمين: ازيك يا مستر احمد ايه الاخبار؟ احمد: تمام يا نرمين، ايه اخبار الشغل؟ نرمين قربت منه ووقفت جمبه وبصت في عينيه ووشها قريب لوشه وقالت بصوت انثوي رقيق: كويس، كويس اوي اتضايق احمد من قربها منه المبالغ فيه وبص لاتجاه تاني وقال بحدة: عايز اراجع الشغل يا انسة نرمين، ممكن اطلع على اخر شغلك؟ نرمين: اه اكيد.. بدأت نرمين تعرض عليه شغلها وكان هو مركز جدا في كل اللي هي بتعرضه وعلامات الاستياء ظاهرة على وشه وبتزيد.. قفل احمد اللاب بعصبية وقال: ايه الشغل اللي كله اخطاء دا يا آنسه، مفيش حاجة صح مفيش حاجة كامله على بعضها من غير اخطاء! انا جايب طفلة تشتغل، انتِ لو كنتي بصيتي على شغل مدام ليان كنتي عرفتي ان شغلك دا جمب شغلها عك حست نرمين بالضيق الشديد وانه قلل منها فقررت تضايقه اكتر نرمين: مش مدام ليان دي اللي اتجوز اسر الالفي اكبر عدو لشركة الموجي ولا انا مش واخدة بالي احمد بحدة: انتِ تقصدي ايه بالكلام دا! نرمين: اقصد ان حتى لو شغلي فيه اخطاء بس عمري ما بيعكوا زي ما مدام ليان عملت احمد: انتِ بتتكلمي ازاي، انتِ اتجننتي يا بت انتِ عارفة انتِ بتتكلمي على مين بتتكلمي على اختي صاحبة المكان دا زيها زيي نرمين: لو لسه صاحبة مكان مكنش فؤاد بيه مشاها من هنا احمد: انتِ بتتكلمي الكلام دا ازاي!، مين قالك الخرافات دي نرمين: الشركة كلها عارفة كدا وبيتكلموا وعرفت منهم والا مكنتش عرفت حاجة بس محدش عنده الجراءة انه يتكلم احمد: جميل، احب اكافئك على جرائتك زشجلعتك دي واقولك مع السلامة، مش عايز اشزف خلقتك دي في الشركة تاني بصت نرمين لاحمد بتعالي وسابته ومشيت بغنج متعمدة استفزازه، قعد احمد مكانه وهو حاطط راسه بين ايديه وزعلان على اخته والكلام اللي بيتقال عنها وفجاة لمع في ذهنه فكرة لو نجحت هيقدر يرد غيبة اخته ويخرس اي حد ممكن يتكلم، مسك تليفونه وهو مقرر انه يكلمه ولقاها بترن عليه! ‹‹‹‹‹‹‹‹‹‹‹‹‹‹‹‹ "في شركة الالفي" وصلت عليا الشركة وركنت عربيته وطلعت الشركة بخطوات ثابته وراسها مرفوع بشموخ ولابسة نضارة شمس وبدلة نسائية وطلعت على قاعة الاجتماعات ولحقها انس وحنين.. بعد ما الاجتماع خلص.. قعدت عليا مع انس وحنين وقعدوا يتكلموا ويدردشوا ولسه عليا منستش كلام انس عن حنين واحمد.. رن موبايل عليا ولقته اسر ففتحت الخط.. اسر: عليا انس معاكي عليا: ايوه وحنين كمان هنا اسر: حلو افتحي الاسبيكر واسمعوا اللي هقوله ‹‹‹‹‹‹‹‹‹‹‹‹‹‹‹‹ في بيت اشرف الموجي اشرف بعصبية: سارة، انا كنت سايب فلوس في الدرج دا، راحت فين! سارة بكذب: معرفش اكيد عندك اشرف: وديتي الفلوس فين يا سارة دي مش اول مرة تختفي فيها فلوس وحاجات من البيت سارة: في ايه يا اشرف انتَ هتسرقني اشرف: ايوه هسرقك لان انتِ حرامية واستغلاليه ولو مطلعتيش بالفلوس هطلع بروحك سارة: في ايه يا اشرف انا عملت ايه لكل دا حرام عليك بقى اشرف: في ان انا بكرهك، انك دمرتي حياتي انتِ وابن عمك ان بسببك حبيبتي مرات اسر، انتوا خربتوا حياتي سارة: حبيبتك! اشرف: ايوه ليان حبيبتي، بحبها وهفضل احبها وكل ما بقعد معاكي بكرهك اكتر وبحبها انا معرفش ايه اللي بلاني بيكي، ازاي اتخبط في نفوخي وبصتلك، دا لا جمال زي الجمال ولا اخلاق زي الاخلاق حتى يا بنى ادمه روحك روحك سم متتحبيش.. سارة: انتَ اتجننت يا اشرف انتَ نسيت انك حفيت ورايا، انك خدتني من اسر اشرف: ما هي دي المشكلة، المشكلة انك سهلة وخاينه وسيبتي حبيبك عشاني ودا خلاني اكرهك اكتر رفعت سارة ايدها وحاسة ان كرامتها وكبريائها اتجرحوا وبقوا في الارض وقررت تض*به وهي بتقول: انتَ زبالة مسك اشرف ايد سارة ولوها ورا ضهرها بعنف لحد ما حست ان ايدها هتت**ر في ايده وقال: ما عاش اللي تمد ايدها على اشرف الموجي يا *** خلص اشرف كلامه وض*بها بالقلم فوقعت على الارض، حطت سارة ايدها على وشها ونار الحقد قايدة جواها وقالت: طلقني وطى اشرف على ركبته عشان يكون في مستواها وبصلها بق*ف وقال: بس كدا، انتِ طالق يا سارة وفجأة قام من مكانها وشدها معاها فوقفت غصب عنها وفتح باب الشقة وزقها برا وقال: لو عتبتي البيت دا تاني انتِ الجانية على نفسك، برا وورقتك هتوصلك سارة: عايزة ادخل اخد حاجتي اشرف: تؤ تؤ مسمهاش حاجتك، دي حاجاتي اللي جايبها بفلوسي انتِ ملكيش حاجة هنا والقايمة تتنازلي عنها بدل ما افضحك قدام اهلك واقول انك خونتي اسر معايا واتجوزتك عشان اصلح غلطتي، اعتقد كفاية اسر بس يكون عارف الحوار دا سارة بقهر: ربنا ياخدك.. ‹‹‹‹‹‹‹‹‹‹‹‹‹‹‹‹ "في فيلا اسر الالفي" اسر كان قاعد في مكتبه بيراجع اخر ملفات بعتهاله انس وفتح اللاب توب بتاعه عشان يراجع اخر الايميلات اللي وصلته.. ليان دخلت المكتب وهي ماسكة فنجان قهوة وحطته على المكتب وكل دا تحت انظاره.. اسر: ليان ليان: نعم يا اسر اسر: اجهزي عشان نخرج نشتري شوية حاجات ليان: حاضر طلعت ليان لاوضتها وغيرت هدومها وسرحت شعرها تسريحة بسيطة ونزلت تستنى آسر.. نزل آسر بعدها بدقايق وهو بيستغرب من سرعتها وخرجوا سوا وركبوا العربية وليان جواها مشاعر غريبة وسعادة مش عارفة مص*رها.. ‹‹‹‹‹‹‹‹‹‹‹‹‹‹‹‹ "في فيلا محفوظ الالفي" خبطت سارة على باب الفيلا وهي بتصطنع العياط وبتشهق بقوة، فتحت صباح الباب وفاكرة انها عليا واتفاجئت بسارة قدامها منهارة من العياط ولابسه بيجامه بيتي وساندة ايدها على باب الفيلا وقالت سارة من وسط شهقاتها: ممكن تحاسبي التا**ي يا طنط صباح بصدمة: مالك يا سارة ايه اللي حصل سارة: مشي التا**ي وهحكيلك كل حاجة خلصت سارة كلامها ودخلت بخطوات بطئيه وصوت عياطها بيعلى.. ‹‹‹‹‹‹‹‹‹‹‹‹‹‹‹‹ ركن اسر عند محل لبيع الفساتين وهدوم الخروج فاستغربت ليان وقالتله: احنا جينا هنا ليه؟ اسر: جينا عشان تشتري طقم للمناسبة اللي هنعملها بليل وكمان اشتري كام طقم ليكي والمرة دي من غير غصب ولا عند ولا زهق، اتفقنا ليان بدهشة: يعني ايه اسر: يعني تعالي نفتح صفحة جديدة يا ليان، انتِ حد كويس اوي وجدع، ومش حابب اني اخسرك على الاقل كصديقة ليا، ايه رأيك؟ ليان: موافقة، موافقة جدا اسر بابتسامة سحرتها: اتفقنا، يلا انا مستنيكي هنا ليان: لا تعالى معايا، امال هاخد رأي مين اسر: ماشي ‹‹‹‹‹‹‹‹‹‹‹‹‹‹‹‹ "في فيلا محفوظ الالفي" سارة: بيض*بني وبيبهدلني يا طنط، ببقى قاعدة في حالي والقيه جاي يض*بني لما بنام ايام في السرير، واستحملت وقولت عيشي ومتخربيش بيتك بايدك وخصوصا بعد ما اسر اتجوز واستقر في حياته، وفي الاخر رضينا بالهم والهم مش راضي بينا النهارده نزل فيا ض*ب وطلقني وطردني يا طنط صباح: معقول، كل دا يحصلك ومتقوللناش اخص عليكي يا سارة سارة: اعمل ايه بس يا طنط، انا بحاول ابعد عن المشاكل على قد ما اقدر، مش عايزة اسر او حد فيكوا يتأذى صباح: خلاص اهدي يا حبيبتي، يا انا يا عيلة الموجي، عايزين يقضوا علينا واحد ورا التاني انا هوريهم صبرك عليا ‹‹‹‹‹‹‹‹‹‹‹‹‹‹‹‹ في المحل خرجت ليان بفستان قصير لحد الركبة وفتحة الص*ر واسعة وعلى شكل مربع وضهرها كمان فيه نفس الفتحة على الشكل مربع وباين جزء مش صغير من ضهرها والفستان كان صك لونه اسود.. انبهر اسر بجمال ليان الشديد وشكل الفستان عليها خلاه حس باعجاب ممزوج بغيرة فعقد حواجبه وقال: لا لا وحش اوي شوفي غيره ليان بصت لنفسها في المراية بضيق وقالت: ليه بس يا اسر دا شكل تحفة عليا، بص كدا تاني ركز اسر في تفاصيلها الانثوية اللي الفستان رسمها بوضوح وشرد في جمالها لثواني وبعدين قال برفض: لا يا ليان شكل زفت ادخلي غيريه ليان: ماشي يا آسر دخلت البنت اللي شغالة في المحل واللي حضرت الحوار من اوله لاخره تاخد منها الفستان وتساعدها فلقتها مضايقة.. البنت: مالك بس ليان: عادي كنت حابة الفستان بس مش عارفة ليه معجبوش، هو فعلا شكله وحش؟ البنت: لا بالع** دا يجنن عليكي ليان: امال ايه بقى البنت: غيران عليكي بس، مش عايز حد تاني يشوفوك بالجمال دا غيره ليان: غيران عليا انا! لا لا بيتهيألك البنت: بيتهيألي ايه بس دا اتسحر اول ما شافك وعشان كدا رفض، تقوليلي لا دا مات من الغيرة ايش عرفك انتِ خدت البنت الفستان من ليان ووقفت ليان قدام المراية وقالت بعدم تصديق: اسر غيران عليا انا، معقول! يتبع... توقعاتكم؟ ارائكم؟ يا ترى ايه مصير علاقة اشرف وسارة؟ يا ترى اسر حب ليان؟ ليان بقت تحب اسر؟ عليا نست احمد؟ حنين نسيت احمد؟ انس حب حنين ولا حنين هتعاني من نفس؟ المشكلة للمرة التانيه؟ ------ (اقتباس من الفصل القادم _الثامن عشر_) احمد: اما انا جايبلك خبر يا رحومة انما ايه عسل رحمة: في ايه احمد: ليان اتصلت بيا عزمتني النهارده على حفلة صغيرة كدا اسر عاملها رحمة: بجد يا ابني، ربنا يهدي سرهم يارب فؤاد: وانتوا فرحانين كدا ليه واكننا هنروح احمد: يعني ايه الكلام دا يا بابا فؤاد: يعني محدش داخل للبنت دي مكان طول ما انا عايش رحمة: بس انا عايزة اروح واكون جمب بنتي واطمن عليها فؤاد: انا مليش دعوة بكل الكلام دا، اللي هيروح لليان النهارده يعتبرني مت زي ما انا اعتبرتها ماتت احمد: دا اخر كلام عندك يا بابا! فؤاد: اخر كلام عندي يا احمد احمد: تمام، مع احترامي ليك انا مقدرش اسيب اختي لوحدها حضرتك معودتنيش اسيبها لوحدها ضهرها عريان طول ما فيا نغس فانا هكون سند اختي وضهرها، لو حابة تيجي معايا يا امي عرفيني رحمة: هاجي معاك يا ابني فؤاد: ماشي يا رحمة، ماشي يا احمد انتوا اللي اختارتوا.. في اوضة المكتب.. كان واقف اشرف وسمع كل حاجة حصلت وعرف بالحفلة اللي اسر هيعملها ورجع بسرعة لمكانه لما حس ان عمه قرب على اوضة المكتب وخطرتله فكرة! ‹•‹•‹•‹•‹•‹•‹•‹•‹•‹•‹•‹•‹•‹•‹•‹

Free reading for new users

Scan code to download app

App Store Google Play

Facebookexpand_more