الفصل الثانى

2392 Words

جسور بعد ماساب ميسون عند المدرسه راح على مقر المجموعه وطبعا كان طول الطريق بيفكر فى قطته إللى طلعت ع** ماتوقعها وعلى اد رقتها على اد تمردها وده عجبه اكتر ماهو مش علشان هو شخصيه جباره وعصبي حيكون عاوز جاريه هو كمان عاوز يحس ان في حد يناقشه بالأدب لكن مايتحدهوش ويحترم غيابه خوف على زعله مش من زعله وصل مكتبه وهو مش عارف يوقف تفكيره في ميسون بعد ماوصل كان جده وحكاله على موضوع الشاب إللى بيضايقها علشان يتصرف مع إدارة المدرسه وفضل انه مايدخلش احتراما لكلمتها انها لو عجزت عن حل مشكلتها حتبلغ جدها او باباها ومذكرتهوش هو ................... اما في البيوتى سنتر عايده وصلت وفضلت فى انتظار ابتسام إللى وصلت متاخره عن عايده بوقت كبير عايده:جرا ايه ياست ابتسام استنى حضرتك كل ده ومش بتردى على تليفونك.ليه ابتسام:اخد نفسي من السكه طيب الاول وبعدين بهدلى فيا براحتك عايده:انتى لسه حتاخدى نفسك انتبهى معايا ابتسام بضيق :خير ياعايده هانم ناويه على ايه تانى عايده:فوقي لنفسك ياابتسام واعرفى انتى بتكلمى مين ابتسام :عارفه ياهانم اؤمرينى عايده:عوزاكي تاخدى الاقراص دى وتحطيها لميسون فى العصير او اللبن ابتسام وهي بتخبط بايدهاعلى ص*رها:يالهوى ياعايده هانم انتى حتموتيها عايده:اموت ايه ياحماره انتى ده يمنعها تحمل بس ابتسام :لا انا ماقدرش اعمل كده انا عمرى ماشوفت حاجه وحشه من الست سميه عايده :انتى اتهبلتى سيلين حيضيع كن ايدها كل حاجه لو ميسون خلفت ابتسام بحزن :هى نفسها ضاعت من زمان عايده:وحياة امك ماتعمليش بريئه انتى كمان طمعتى واخدتى تمن إللى عملتيه ابتسام بقهره:بس تعبت ومش قادره اشوف بنتى ومااخدهاش فى حضنى ازاى عوزانى اشوفها عروسه ومااعملش زى كل ام وافرح بيها عايده:ماتفرحى وانا قولتلك ماتفرحيش لكن علشان تفرخي لازم نبعد ميسون عن طريقنا ابتسام :ماشي لكن بلاش تحرميها تبقي ام عايده:ماتنسيش نفسك ونفذى إللى بقولك عليه مفهوم ابتسام:مفهوم ياهانم عايده:وحدى الشيك ده علشان تجيبي لابنك الشقه إللى حيتجوز فيها بلا روحى انتى وانا حروح على النادى اقعد شويه مشيت ابتسام وهى جواها ضييق ووجع من المطلوب منها وكانت بتكلم نفسها ازاى فى ناس ممكن تدمر حياة بنى آدم علشان الفلوس لكن رجعت وافتكرت نفسها من ٢٤ سنه لما عايده غاوتها تبيع بنتها وهى وافقت لكن كان تبريرها لنفسها فى الوقت ده انها عاوزه بنتها تعيش حياه كويسه وان المبلغ إللى حتاخده حتعيش بيه أخواتها مرتاحين &فلاش باك عايده كانت خارجه من عند دكتور أمراض النساء وعرفت أن عمرها ماتقدر تخلف وهى خارجه والغضب عاميهاوالخوف حيموتها لعمها موسي الشامي يعرف ويخلى جوزها يتجوز عليها او يطلقها خبطت فى ابتسام اللي كانت بتبكى امها طلعت حامل بعد ماجوزها طلقها ومكانش يعرف انهاحامل ومش عارفه تنزل الجنين ازاى ولما عايده عرفت حكايتها عرضت عليها تبيعلها الجنين الل فى بطنها عايده:انا اشتريه منك باى تمن غير ان متابعتك وولادتك عليا ابتسام :لكن ازاى بعد.مااشوفه اتحرم منه عايده:حشغلك فى القصر عندى لكن حسك.عينك حد يحس بأى حاجه ابتسام :يعنى اشتغل من امتى عايده:بعد ماتولدى طبعا علشان كمان تبقي ترضعى البيبي ابتسام :طيب وانتى ازاى حتولدى او قصدى حيشوفوكى بتولدى وانتى مش حامل عايده:لا ماانا قبل الولاده اعمل نفسي مسافره انا وجوزى وكأنى ولدت بره ابتسام:طيب لما جوزك.عارف اومال انتى بتعملى كده ليه عايده:مالكيش دعوه المهم موافقه ابتسام :موافقه ونفذت عايده كل خطتها وهمت الكل انها حامل وفهمت جوزها إللى من كتر حبه ليها عامل زى الخاتم فى صباعها ووافق علشان ميزعلهاش .....................................انتهى الفلاش باك رجعت ابتسام على القصر لكن لا عايده ولا ابتسام كانوا عارفين ان في عيون مرقباهم وبلغت موسي بالمقا**ه واللى عايده ماتعرفهوش ان عمها كان عارف بخطتها من أول يوم قابلت فيه ابتسام لكن حبه لابنه وخوفه على سمعة العيله ورباطها هو إللى خلاه يسيبها تنفذ خطتها وخلى عيونه عليها هى وابتسام ولما عرف بخروج ابتسام من القصر وخروج عايده فى نفس التوقيت عرف ان فى مصيبه حتحصل لكن اكيد مايتوقعش ان توصل حقارة بنت اخوه للدرجه دى ................. عدى وقت ورجعت ميسون على القصر وخرجت سيلين راحت النادى وبعد خروجها رجع جسور وعرفت انها مش موجوده وانها خرجت من غير مايعرف واتبدلت ملامح وشه اللى كان كله فرحه بسبب ميسون لغضب ماحدش يتخيله بسبب سيلين دخل عند جده فى المكتب الجد :خير ياابنى فى ايه حصل حاجه فى الشغل جسور بغضب:لا الشغل تمام انا فى الهانم إللى راحت على النادى من غير حتى ماتبلغنى الجد:اتصرف براحتك انا عطيتك زمام أمورهم الاتنين وقدام اهاليهم جسور بعصبيه:والله لاروحلها واحرمها تحرك رجلها إللى عاوزه **رها دى الجد:براحتك خرج جسور والغضب عاميه يمكن مش غيران عليها زى ماحس مع ميسون الصبح لكن علشان عارف الشله البايظه اللى بتقعد معاها وعارف هزارهم مع بعض وده يعيبه كراجل خصوصا ان اكيد امها نشرت خبر خطوبتها وعزمت النادى كله ده كان تفكير جسور وصل النادى ودخل على الكافيتريا إللى بتقعد فيها سيلين واللى توقعه لقاه كان آدم وده واخد من الشله لسه واصل قبل ماجسور يوصل بثوانى وحاطط ايده مخبى بيها عين سيلين وكأنه حاضنهامن ضهرها .هو كان قاصده يفجعها لكن جسور ماشفش كده هو شاف اللقطه الاخيره واللى كانت السبب فى فوران دمه جسور بعصبيه:سيلين سيلين :هاى يابيبى تعالى اقعد معانا جسور بصوت عالى وهو بيشدها من ايديها :انا مايتقليش بيبي دى تانى ومش انا إللى اقعد مع الأشكال دى قال كده وهو بيبص لأصحابها اخدها وخرج من النادى وطول الطريق وهى بتبكى على احراجها بين شلتها وهو بيتوعدلها بس يوصلوا البيت رجع جسور ومعاه سيلين على البيت هى دموعها نازله زى الشلالات وهو عروق رقبته حتنفجر من العصبيه جسور بصوت شبه الرعد:تقدرى بقي تفهمينى ايه إللى انا شفته ده .. انا كنت ناويلك على نيه سوده لمجرد انك خرجتى من غير علمي اجى الاقيكى بتهزرى مع الكلب ده وسمحاله يحضنك انت نسيتى انتى بنت مين ولا نسيتى ان اسمك ارتبط بأسمى خلاص سيلين وهى منهاره:والله ماكنش حاضنى ده بيغمي عينى بس جسور :لا والله وهو عادى انه يغمى عنيكى ...ويلمسك ليه من اصله لو انتى انسانه محترمه عمره ماكان اتجرأ ويلمسك سيلين:والله ده أول مره يعملها جسور :ولا أول مره ولا اخر مره من اللحظه دى مافيش خروج من البيت غير معايا ولو انا مش فاضي رجلك ماتعتبش بره القصر ده سيلين بغضب:لا دى مش عيشه ليه هى جوازه ولا سجن جسور:لا سجن يابنت عمى يامحترمه وان كان مش عاجبك بلاش منه قطع كلامهم صوت جده إللى كان سامع الحوار وقرر يتدخل الجد:سيلين أوعى تناقشى خطيبك اللى كلها ايام ويكون جوزك مادمتى على غلط وان كان امك وابوكى ماعرفوكيش تتعاملى ازاى معاه انا جدك وحقى اعملك سيلين :ياجدو والله ماعملت حاجه ده واحد صاحبنا فى النادى حب يخضنى وحط ايده على عينى يخبيها الجد بصرامه:اخرسي يابنت انتى وصلت بيكى الوقاحه لانك تجادلينى ده ابوكى مايجرؤش يعملها سيلين:اسفه ياجدى لكن بعد اذنك انا محتاجه ان جسور يلغى عقابه انامحتاجه اجهز حاجات للفرح وحضطر اخرج مع بنات صحابى جسور:بعد اذنك ياجدى انا مش حلغى قرارى ولو هى مش ناويه تحترمه حيكون ليا تصرف تانى الجد:قرارك حيتنفذ وهى لو فكرت تخرج تشترى لوازم الفرح زى مابتقول يبقي تخرج مع عايده ومشيره ومعاها السواق والحراسة سيلين وقفت متنحه من قرارات جدها وقبلها قرارات جسور وبما أن طبع عايده غالب عليها حبت تدخل ميسون فى الحوار سيلين بخبث:وياترى ياجدو الكلام ده حيتنفذ على ميسون كمان ولا انا بس وكانت المفاجأة إللى دهشت الجد وجسور وسيلين نفسها صوت ميسون إللى وقفت الكلام فى حلق جسور ميسون :بعد إذن حضرتك ياجدو واذنك طبعا يا جسور ماتدخلنيش فى حوار خاص بيكى ياسيلين انا لا بروح نادى لوحدى ولا بخرج لوحدى غير المدرسه وبيكون معايا السواق وانا من الأصل معنديش اصحاب علشان اخرج معاهم جسور:وانتى كمان ياميسون الايام إللى باقيه فى المدرسه انا إللى حوصلك وحرجع اخدك ميسون : حاضر معنديش مشكله الجد كان فرحان جدا بقوة حفيدته وانها حتقدر تقف قصاد مكر وخبث عايده وسيلين اما جسور فكان هيمان وفى دنيا تانيه من قوة قطته زى ماشبهها ووسط كل إللى حاصل والكلام وأوامر الجد وجسور تدخل عايده من باب البيت جرى على الصوت والمتوقع طبعا انها تقف جنب سيلين وتنجدها منهم لكن عايده دايما بتفوق التوقعات عايده:ايه خير ياجماعه في ايه صوتك يا جسور عالى جدا جسور بصلها وهو ساكت وعلامات الغضب باينه على ملامحه كلها سيلين:يامامى جسور منعنى اخرج من القصر خالص غير معاه عايده :اكيد فى سبب فهمونى ايه إللى حصل الكل واقف ساكت لحد ماقطع سكوتهم كلام الجد الجد:إللى حصل ياهانم ان وقت ماكنتى مشغوله مع صحباتك والنوادى نسيتى تعلمى بنتك الأدب عايده:ليه بس ياعمي كده ده ميسون مؤدبه ومتربيه الجد بمكر:مين إللى رباها دادا ابتسام ده انا بحس انها هى إللى امها مش انتى دى تعرف عنها إللى انتى ماتعرفيهوش عايده وجههها ظهر عليه كل الألوان وبدأت تتهز لانها عارفه كويس طريقة عمها لكن رجعت وطمنت نفسها انه لو كان عارف حاجه كان زمانه قلب الدنيا فوق رأسها وبدأت تستعيد نفسها تانى عايده:فهمينى يابنتي ايه إللى حصل علشان جدك يزعل منك كده حكت سيلين لعايده إللى حصل وماحستش غير وايد.عايده بتترفع وتنزل على وجهها بقلم رسم كف اي عايده عل وجه سيلين انصدمت سيلين من إللى عملته عايده وطلعت على غرفتها وهى منهاره اما عايده خرجت خوفها بعد الكلام إللى قاله عمها بض*بها لسيلين لكن وسط ده كله كان فى عيون بتراقب إللى حصل والقلم إللى كان على وجه سيلين كانت ض*به جوه قلبها وحلفت لتنتقم من عايده فى يوم من الأيام ودى طبعا ابتسام على قلبها وجعها على بنتها مهما كان عماها جشعها وطمعهاوخوفها وباعت بنتها فهى أم وطول عمرها هى إللى بتربى سيلين وده كان شرطها على عايده ان هى إللى تربيتها وتعمل كل طلباتها رجع الجد لمكتبه وفضلت عايده تحايل فى جسور وتقنعه انه يفهمها بالراحة اما جسور كان حاسم أمره ان سيلين لازم تتربى من جديد على طريقته نهى كلامه مع عايده ودخل لجده المكتب لكن كان واضح على الجد انشغال تفكيره بحاجه جسور:فى حاجه ياجدى شكلك تعبان الجد:لا أبدأ بس قلقان شويه جسور :خير ياجدى اشركنى معاك طول عمرك مش بتخبى عليا الجد:خايف على ميسون من عايده جسور:فى حاجه حصلت وهى إللى قلقاك كده ولا ده مجرد شك الجد:النهارده عايده خرجت وقابلت ابتسام بره جسور باستفهام:ابتسام دادا ابتسام يعنى ؟ الجد:هو فى ابتسام غيرها جسور:طيب وايه إللى ممكن يبقى بينهم ولو فى حاجه ماابتسام معاها فى البيت ليه تقا**ها بره الجد:ماهو ده إللى مخوفنى جسور:خلاص نطرد ابتسام الجد:بلاش تهور لازم نعرف عايده بتخطط لايه غير كده مينفعش ابتسام تمشي من القصر نهائي جسور بدهشه:ليه يعنى ياباشا دى مجرد شغاله الجد:فى حاجات كتير مع الوقت حتعرفها لكن دلوقتي لازم ننتبه على ميسون جدا جسور: طيب ليه ماتسألش ابتسام وتعرف منها ونخوفها انها متعرفش عايده الجد:ليه وهو انا خايف من عايده انا بس عاوز اجيب آخرها لكن ابتسام عمرها ماتعمل حاجه انا مش عارفها جسور:مش فاهمك ياباشا حاسس ان فى لغز كبير الجد:كله بوقته ياابنى واوعى تفكر تستعجل وقته لان ساعتها حتتفكك العيله جسور:للدرجه دى ياجدى الموضوع كبير حرك الجد راسه بالموافقه وفضل السكوت لان مافيش كلام يتقال خرج جسور بعد مااستاذن من جده علشان يرجع شركته لكن الحيره كانت حتقتله اما عند عايده طلعت لسيلين إللى لقيتها منهاره لان تقريبا دى أول مره عايده تض*بها عايده:سيلين انا اسفه حبيبتي مااقدرتش اتحكم فى اعصابى جدك ضايقنى جدا بكلامه سيلين :انا اتخنقت ومش حااقدر اكمل بطريقة جسور دى وكمان تهينينى قدامهم هو مش كفايه انه جرجرنى قدام اصحابى والنادى كله زى إللى ساحب جاموسه انا انسانه وملعونه الفلوس إللى تخلينى اتنازل عن كرامتى عايده:ايه إللى بتقوليه ده انتى اتجننتى الفلوس دى هى إللى بتلبسك وهى إللى علمتك فى احسن مدارس وهى كمان إللى بتدخلك النادى إللى م**وفه من إللى فيه فوقى كده ياحبيبتى قبل مانخسر كل حاجه واول مايرجع جسور تنزلى تصالحيه بأى طريقه سيلين :انا إللى اصالحه كمان حرام عليكى كده كتير عايده بحده:بنت كلامى يتنفذ جدك بقي مش طبيعى من نحيتنا وجسور هو الأمان الوحيد دلوقتي لو حبك سيلين بعدم اقتناع:حاضر حنفذ كلامك خرجت عايده من غرفة سيلين ودخلت تاخد شاور وابتسام أول مااطمنت انها دخلت وراحت على غرفة المكتب الجد:هاه ياابتسام كانت عاوزه ايه ابتسام :دى مش انسانه ومعندهاش ضمير الجد:اخلصى وقولى طلبت منك ايه ابتسام :عوزانى احط اقراص منع الحمل لميسون فى العصير الجد بصدمه:ياااااه ياعايده هى حصلت ابتسام :علشان تعرف ياباشا مش دايما بنات العائلات بيكونوا كويسين واحيانا بنات الشوارع بيبقى عندهم قلب الجد بصرامه:ابتسام ابتسام:اسفه ياباشا انا حمشى قبل ماتشوفنى الست عايده الجد:روحى انتى دلوقتي وطبعا أوعى تنفذى حاجه ابتسام :من غير ماتقول ياباشا ميسون زى بنتى وعمرى مااوجعها ............... ........... عدت ايام كتير ومافيش أى حاجه جديده على ابطالنا ميسون بتروح امتحانتها وسيلين محبوسه فى البيت وجسور مشغول بيخلص صفقات مهمه علشان يفضى نفسه للفرح عايده مطمنه ان خططها بتتنفذ وجه اليوم إللى خلصت فيه ميسون الامتحانات وقرر جسور ياخدهم وينزلوا يختاروا الشبكه والفساتين وبالفعل خرج جسور مع البنات وبس لكن العلاقه بين جسور وسيلين كانت متوتره شويه وبالرغم من ده الا ان جسور حاول يسعدهم اختار البنات شبكتهم واللى أدهش جسور ان سيلين مااختارتش حاجه غاليه زى ماكان متوقع مع ان هو مش فارق معاه سعر الشبكه لكن إللى يفرق معاه يعرف هى طماعه ولا لأ واكتشف أن كل إللى يهمها شكل وذوق الشبكه وده جانب اكتشفه فى سيلين اما الرقيقه ميسون اختارت طقم بسيط ورقيق جدا طبعا الشبكه من الألماس وبعدها اختاروا الفساتين ميسون اختارت فستان باللون الموف الهادى وسيلين اختارت فستان من اللون الاوف وايت والفساتين كانت اجمل من بعضها وبعدها عزمهم جسور على الغدا فى اوتيل وأثناء الغدا حب جسور يتكلم معاهم هما الاتنين لوحدهم من غير تدخلات من حد جسور:انا عاوز نتكلم مع بعض فى حاجه مهمه علشان انا مش حابب يكون فى أى مشاكل بينكم من أى نوع سيلين:اتفضل اتكلم جسور:انتوا طبعا عارفين ان فرحكم فى نفس اليوم واننا حنسافر بعد كده شهر العسل ميسون:معلش انا شايفه ان الأفضل يكون كل واحده مننا لوحدها فى شهر العسل يعنى ممكن تسافر انت وسيلين وبعدها اسافر انا وانت جسور:كده حكون بظلم واحده فيكم لانى حفضلها عن التانيه سيلين :ممكن انا استنى وعلى فكره انا حكون راضيه بكده اكتر جسور:مش الفكره فى مين تستنى الفكره ان مافيش واحده تسبق التانيه فى حاجه ومش ده المهم ميسون:طيب ايه المهم جسور:المهم اننا نكون حابين بعض انا عن نفسي مش حظلم واحده فيكم واللى حعمله لسيلين حعمل زيه لميسون بالظبط سيلين :لكن مش حتقدر تحكم على قلبك يحبنا احنا الاتنين زى بعض جسور:انا مش حنكر انى كنت مشدودلك ياسيلين لكن كمان الأيام الل فاتت لما قربت من ميسون انا اتشديت ليها جدا وده طمنى شويه عموما دى حاجه اتفرضت علينا كلنا ولازم نتعايش معاها ومش عاوز أى تدخلات من بره فاهمينى انتوا الإتنين إللى بينا ويفضل بينا حتى لو واحده ضايقت التانيه انا بس إللى اعرف لا مامتك ولا ماممتها سيلين وميسون:تمام حاضر جسور :ومن دلوقتي كلامى انا بس إللى يتنفذ مافيش خروج لأى سبب من غير علمى ومافيش لبس من القديم ياسيلين وانتى ياميسون مافيش زملاء ولاد لما تدخلى الجامعه ان شاء الله سيلين:لكن يا جسور اكيد لازم بنحتاج احيانافى الجامعه لزمله ولاد ومادام فى حدود الزماله بيكون عادى جسور بهزار:انتى من دلوقتي حتتحدى معاها عليا ههههههه ضحك الجميع وكانوا فرحانين انهم وصلوا لعلاقه هاديه وبدأوا صفحه جديده مع بعض لكن أول ما رجعوا البيت وشافتهم عايده وهما منسجمين اوى كده قلبها ولع نار ....... &&&&&&ياترى عايده حيكون رد فعلها ايه وايه السر إللى بين موسي الشامي وبين ابتسام استنونى الحلقه الجايه ومتنسوش آراؤكم واعجابتكم &&&&&&&&

Free reading for new users

Scan code to download app

App Store Google Play

Facebookexpand_more