أسياد العشق

لقبوا بأسيادالعشق بالرغم من إختلاف أماكنهم وأعمارهم وأفكارهم إنما جمعهم قلوبا مفعمه بالعشق قلوبا شهدت جراح ومآسى عهود وخيانه ..تغلبوا عليها جميعها وظل عشقهم الأبدى كل فتاه لرجلها وكل رجل منهم لزوجته وشريكة حياته السماح والحنان اغرقتهم به مريم امتلكت قلوبهم جميعا صارت بهم لبر الأمان ومابين مكالمه صارت بالخطأ وعهد كتب على عائلة الشامى أستطاعا الإجتماع معا على تتويج سلطان العشق وأصبحوا أسياد العشق تعريف بالأبطال/ عائلة الشامى الجد:موسي عبد الله الشامي الأبناء:حازم الشامي ؛ماجد الشامي؛حاتم الشامي الأحفاد:جسور حاتم الشامي ؛سيلين ماجد الشامي؛ميسون حازم الشامي المحامي : عادل مأمون محامي العائلة بالوراثه أبا عن جد زوجات الأبناء:مشيره الشامي زوجة حاتم وأم جسور حنونه ومطيعه لأوامر زوجها عايده الشامي زوجة ماجد وأم سيلين متسلطة وطماعه سميه الشامي زوجة حازم وأم ميسون جميله هادئة وحنونه يحبها الجميع وورثت جميع صفاتها وجمالها لابنتها *جسور حاتم الشامي :بطل روايتنا شاب طويل القامه مفتول العضلات جذاب شخصيه كل سنه وصلبه وع**ده مثل جده معجب بسيلين ابنة عمه ولكن لايعجبه تصرفاتها عمره ٣٠سنه *سيلين الشامي:جميله بالرغم من بشرتها القمحيه ولكنها تتمتع بعيون عسليه وشعر بلون العسل الصافي طويله ممشوقة القوام كعارضات الازياء ع**ده متسلطة مثل أمها تعشق الحريه مجنونه عمرها ٢٤سنه *ميسون الشامي:فتاه مثل اميرات ديزني جميله هادئه شعرها اصفر وعيون فيروزى تعشق جسور ولكنها تخاف منه بشده وتشك انه يحب سيلين عمرها ١٨سنه عائلة عبدالله الصواف عبدالله موظف بأحد شركات الاعمال من طبقه متوسطه يعمل بجد واجتهاد حتى يستطيع الاعتناء بأسرته زوجته / مديحه الابنه الكبرى/ بسنت فتاه بعمرها السادس عشر تدرس بالمدرسه الثانويه جميله الملامح ذو بشره خمريه وعيون سوداء كالليل الأبن/احمد بالمرحله الابتدائيه سمير الكردى / رجل أعمال عمره 46 عاما لايظهر عليه عمر مهتم بشياكته ومظهره يمارس الرياضه توفت زوجته ولا يوجد.له أبناء ماجده/ مديرة منزله ومن تدير جميع مسؤولياته من بعد.وفاة زوجته عائلة كامل الاب كامل رجل اعمال يعيش بفرنسا يمتلك الكثير من القرى السياحيه مصرى الج*سيه الأم / مريم سيدة مجتمعات من الطراز الاول ام حنونه متعاونه مع الجميع تساعد وتعطى بلا هدف مالك / الابن الوحيد لكامل ومريم دكتور بأحدى جامعات باريس في قصر من اعرق القصور وأقدمهم بالبلد تعيش عائله الشامي التي تتمتع بالثراء والأصول العريقه والسمعه الطيبه لديهم شركات تعمل بكل المجالات يرأسها الحفيد جسور الشامي بعد ما تنازل جده عن إدارتها له هو فقط ولم يوافق علي حصول أي من أبنائه علي رئاسة مجلس الاداره وبالرغم من محاولتهم لرفض قرار أبوهم ولكن (موسي الشامي) كلمته لاترد ومن وقتها و(جسور) يدير كل شئ وأبوه واعمامه يعملون تحت رئاسته وطبعا القرار ده وافق عليه الكل بالغصب لكن السيده عايده الشامي كان ليها تخطيط تاني وهو انها تخلي جسور يتجوز بنتها (سيلين) وبكده تكون سيطرت على أكبر جزء من التركه وده كان ممكن يحصل في حالة ان يكون ابو زوجها وامها بنفس الوقت رجل غير( موسي الشامي) ولأنه عارفها كويس جدا وعارف جشعها وحبها للسلطه قرر يدمر كل خططها ويستخدم بكده العهد اللي قطعه علي العيله الجد الأكبر من عشرات السنين وبدأ بالتنفيذ وطلب من عادل مأمون المحامي انه يجيله علشان ينفذ( عهد الشامي) وبمدينة السحر والجمال الإسكندريه وقصة عشق سيد من أسياد العشق هوى صغيره من عمر ابنائه اتصال هاتفى غير مجرى حياتهما عاشا قصة حب وعشق ألم وفراق ..العشق جمعهم ماذا سيحدث بين عائلة الشامى وعائلة الكردى حين يجتمعان حيتان الأعمال أسياد العشق فى باريس ~~~~~~~~~~~~~~~~~~~~~~~~~~ القاهرة ؛؛؛؛؛؛؛؛؛قصر عائلة الشامى الحلقه الأولى / في صباح يوم جديد داخل قصر الشامي تتجمع العائله كلها بغرفة السفره لتناول الفطار ودى عاده من عادات وتقاليد العائله ان مهما يكونوا مشغولين لازم يفطروا كل يوم مع بعض وطبعا على رأس المائده الجد (موسي الشامي) بس النهارده كانت الست عايده مهتميه بجسور على غير العاده عايده:جسور ياحبيبتي انت مش بتتكلم ليه شكلك مرهق جدا جسور:لا عادى ياطنط متعودين على كده ودى طبيعة أكلى مشيره :حبيبي ياابني ربنا يعينك ويوفقك نفسي افرح بيك وأشوف ولادك لحد امتى حتفضل مركز في الشغل وبس الجد:هو فى ايه النهارده مالكم وماله وبعدين لو هو ماشاء مصالحنا مين اللي حيراعي مالنا اعمل ايه اذا كانت كل واحده فيكم ماخلفتش غير مره واحده حتنزل هاتوا احفاد كتير وأنا امسكهم الشغل حاتم :يابابا ده أمر ربنا ولا ايه ياحاج؟ الجد :ونعم بالله ياحاتم بس يسمعوا بقي ماي**روش عزيمته حازم :جسور راجل وطالعلك يابابا ببيتحمل وبيكبر المجموعه عايده:طبعا جسور يعتمد عليه ولا ايه رأيك ياماجد ماجد:اه طبعا الجد:وانتي يا سميه مش عاوزه تقولى شعر في جسور انتي كمان سميه :ربنا يحميه ياعمي وبعدين حضرتك دايما بتكون على حق في كل اختياراتك الجد: ربنا يكملك بعقلك يابنتي اخويا .يلا بقي كملوا قراركم وكل واحد يشوف وراه ايه الكل رجع يكمل فطاره لكن الجد كانت عيونه بتدور على واحد واحد وواحده واحده من العيله وكان عارف كل شخص فيهم بيفكر في ايه وفهم ان عايده بدأت ترسم علي جسور علشان تجوزه لسيلين بنتها .خلص الفطار ودخل الجد على مكتبه جوه القصر وبدأ في خططته. اتصل بمحاميه عادل مأمون وطلب منه ييجي فورا اما باقي العيله جسور راح علي المجموعه وأبوه واعمامه على الشركات إللى بيديروها وسيلين علي النادى زى كل يوم وميسون على مدرستها الثانوى وباقي ستات البيت طلعوا على غرفهم ماعدا عايده راحت قعدت في جنينة القصر علشان تقابل عادل المحامي وأثناء ماكنت قاعده وصل المحامي عايده وهي مبتسمه بخبث:صباح الخير يااستاذ عادل ايه إللى جايبك بدرى اوى كده خير في حاجه ولا ايه عادل مأمون بأستغراب:والله علمي علمك الباشا اللي طالبني عايده:ااااااه طيب اتفضل حضرتك علشان عمي مايتعصبش انت عارفه دقيق في مواعيده عادل :طيب عن اذنك ياعايده هانم دخل عادل على مكتب الجد مباشرة عادل :صباح الخير ياباشا الجد:تعالى يامأمون اقعد عاوزك عادل:ياباشا اتفضل دايما تناديني بأسم أبويا الجد:عشرة عمرى أبوك انا عارف انك بتضايق لكن تعود بقي ياسيدى وسيبك من الكلام الفاضي ده وخلينا في المهم عادل :خير ياباشا أول مره اشوفك مهموم اوى كده الجد: انا عاوزك تطلع الوصيه القديمه وتعدل فيها لازم جسور يتجوز ميسون بنت حازم عادل:طيب والانسه سيلين مش هي الأكبر برده الجد:هي الأكبر لكن ان كان لازم يبقي يتجوزهم هما الاتنين عادل وبدأ على ملامحه الدهشه:بس أزاى ياباشا الجد:العهد بيقول ان مافيش بنت من العيله تتجوز غير من ابن عمها وعلشان كده ولادى متجوزين بنات اخواتى وبما أن جسور هو الولد الوحيد يبقي يتجوز البنتين عادل:لكن ياباشا العهد حالل الموضوع ده وان ممكن البنت إللى مالهاش عريس من ولاد عمها تتجوز من ابن خالتها وانا عاوزك تخفي الجزء ده من العهد انا يهمني أن جسور يتجوز من بنت حازم وطبعا عايده عمرها ماحتسكت وحتقلب الدنيا لو بنتها ماتجوزيتش جسور عادل:يعني ياباشا هي مش حتقلبها لما يتجوزهم هما الاتنين الجد : طول ماانا عايش حاقدر احمي حفيدتي وواثق ان حييجي يوم وجسور هو اللي يحميها عادل:أوامر ياباشا لكن تفتكر جسور بيه حيوافق الجد:لازم يوافق هو لو رفض انا حكتب نص التركه لميسون بنت حازم وكده سيطرته على الشركات حتضيع عادل:انا مستغربك ياباشا ماهي الانسه سيلين حفيدتك برده الجد:عندى أسبابي ياعادل لكن حقولها فى وقتها المناسب عادل: أوامرك ياباشا الدينى يومين واكون جهزت كل حاجه الجد بصرامه: عادل مش محتاج افكرك مافيش مخلوق يوم خبر بالكلام ده عادل :ياباشا طول عمرنا انا وابويا وقبلنا جدى كاتمين أسراركم وبالمناسبة عايده هانم مستنياني في الجنينة الجد:ههههه اتفضل طول عمرها غ*يه فكرها انها ممكن تعرف منك حاجه عادل:ولا يهمك ياباشا اتعلمت منها على كده خرج عادل مأمون وطبعا لقي عايده مستنياه لكن المره دى فاقت كل التوقعات عايده:هاااا ايه ياعادل حتقولى عمي كان عاوزك ليه ولا برده بتعمل فيها المخلص الأمين عادل:عادى ياعايده هانم الموضوع مش مستاهل لانها مسائل شغل مش اكتر عايده:بقولك ايه ياعادل تاخد كام وتعرفني عمي ناوى على ايه عادل:على كل خير ياهانم لكن اوعدك ان يوم ماينوى على حاجه حقولك وانا أولى باللى حتديهولى عايده وهي مش مصدقاه:فكر ياعادل مصلحتك معايا خرج عادل من القصر وهو في عربيته اتصل بلغ الجد بكل الحوار إللى دار بينه وبين عايده عدى اليومين من غير أى حاجه جديده ماتحصل واول ما عادل بلغ الجد بأنه خلص كل حاجه اتصل الجد بأولاده وبلغهم انه عاوز يجتمع بيهم النهارده وبما أن الكل كان خايف وان كلمة موسي الشامي أمر اجتمع أفراد العيله في الميعاد ووصل عادل مأمون الجد:اكيد كلكم عاوزين تعرفوا انا مجمعكم ليه وانا حوفر عليكم الحيره انا قررت أن جسور يتجوز الجميع : يتجوز مين الجد :انتوا ناسيين ان في عهد واحنا ماشيين عليه من ايام أجدادنا عايده بفرحه:يبقي حيتجوز سيلين طبعا ميسون كانت قاعده ودموعها جوه عيونها وماحدش شاف لمعة عينيها غير جدها وقرر يفجر المفاجأة ووي**ر نفس عايده الجد:لا ياعايده جسور حيتجوز بنتك وبنت عمها حازم :ازاى يابابا انا مش حقبل علي بنتي تكون زوجه تانيه الجد بغضب :انت بتعصي العهد عايده: أنا كمان مش موافقه ام بنتي تتجوز علي دره الجد:براحتكم لكن قبل ماتاخدوا قرار لازم تعرفوا العهد بيقول ايه .أقرالهم العهد ياعادل يمكن يكون ليهم قرارات تانيه عادل بعد ماطلع ورق من شنطته:أقر انا عبدالله الشامي ان جميع ممتلكاتي تورث لابنائي وأحفادى وأحفاد احفادى بشرط عدم دخول او دم غريب عن عائلتي وان يتزوج جميع بنات العائله من أبناء أعمامهم حتي وان اضطروا ان يتزوج الرجل لأكثر من زوجه ومن يرفض منهم تنفيذ العهد فهذا بمثابة تنازل منه عن نصيبه من التركه ويعتبر نفسه منبوذ من العائله وعلى جميع أفرادها التبرئ منه رسميا بالجريدة الرسميه وهذا العهد كتبته حفاظا على ممتلكاتى وانا بكامل قوايا ال*قليه وتم توثيقه بالشهر ال*قارى ولا يجوز الطعن عليه جسور:معناه ايه الكلام ده ان انا لازم اتجوز الاتنين الجد:ايوه الكلام واضح عايده: ويعني ايه يتبرئ منه بالجريدة الرسميه عادل:يعني نعمل إعلان ان الشخص ده مش من العيله ولا يمكن التعامل معاه علي انه منها عايده:دى حتبقي فضيحه كمان الجد بصوت مرعب:وهو لو مافيش عهد كان حد فيكم حيقدر يقولى لأ جسور :بس ياجدى ميسون صغيره جدا عليا ميسون وهي بتقوم من الاجتماع:عن اذنكم الجد:على فين ياحبيبتي انتي لازم تقولى رأيك ميسون :اللي حضرتك وبابا تشوفوه ياجدو الجد:ماشي ياحبيبتي اطلعي انتي عايده: خلاص ياعمي احنا موافقين الجد:مش انتي إللى حتتجوزى ياعايده اسمع رأى سيلين سيلين: مش عارفه ساجدة سيبونى افكر جسور بعصبيه:تفكرى في ايه انا مش بقول اني ميت فيكي ده قرار على الكل الجد:معلش ياحبيبي سيبها تفكر مع اني عارف قرارها جسور :خلاص ساجدة اللي تشوفه اعمله وابقي بلغني اللي المفروض يتعمل عايده:متزعلش من سيلين ياجسور الخبر كان مفاجأه عليها هي طول عمرها عارفه انك ليها لكن الجديد انك تكون مقسوم بينها وبين حد تاني جسور بغضب :ايه ليها دى ياطنط ايه كمان مقسوم انا اعرف ازاى اعدل بينهم مشيره:ربنا يهد*ك ياابني ويقدرك الجد: جسور انا عاوزك تعالى معايا علي الجنينه وانتي ياعايده اطلعي شوفي قرار بنتك عايده:حاضر ياعمي جسور بضحك:يلا ياجدى تعالى وانا اسندك الجد:تسند مين ياولد ده انا اجمد منك ده انا حتي بفكر اتجوز وارتاح منكم هههههههه جسور :ياجدو ياجامد وخرج الجد والمحامي وجسور وطلعت عايده لابنتها وفي غرفة سيلين عايده:انتي ازاى تقولى لجدك افكر يعنى البنت المفعوصه دى اوعي منك سيلين :وانتي عاوزانى اعمل ايه اتجوز جسور علشان يق*فني ويعملى فيها سي السيد ويفضل بقي رايحه فين جايه منين عايده:لا ازاى ارفضىواتنازلى عن ثروتك إللى عملاكي بني ادمه سيلين :مامي انا بني أدمه من غير الفلوس عايده:انتي ع**طه جسور معجب بيكي من زمان وانا عارفه كده كويس لازم تعرفي تعلقيه بيكي ومايشوفش غيرك انتي وبس ميسون دى عيله عايشه دور البراءه وانتي جميله وش*يه وروشه لازم تسمعي كلامي علشان نسيطر على كل حاجه فاهمه سيلين :يعني عوزانى اعمل ايه دلوقتي عايده:انتي حتنزلى حالا وتاخدى جسور على جنب وتبلغيه بموافقتك وتتدلعي كده وتعتذرى عن كلامك الخايب وتبرري تصرفك سيلين :حاضر هنزل حالا خرج الجد وجسور وأستاذن المحامي بالانصراف بعد ماشاف في عيون الجد نظرة رضا عن الحبكه القانونيه إللى خلت الموافقة على قرار الجد لازمه اخد الجد جسور لأبعد مكان في حديقة القصر وده خلى جسور يحس ان فى حاجه مهمه جده مش حابب حد يعرفها جسور :ايه ياجدى بتبعد كده ليه هو اجتماع مغلق ولا ايه الجد:انا مش عاوز حد من الحوش إللى جوه يسمعنا جسور :قلقتني ياجدى خير الجد:انا عاوز افهم انت عاملت بنت عمك كده ليه جسور :مين فيهم ياجدى ماانا كلمت الإتنين بنفس الطريقه تقريبا الجد:انا بتكلم عن ميسون **رت بخاطرها جسور:بالع** ياجدى انا قولت الحقيقه ميسون صغيره جدا عليا الفرق بينا ١٢سنه الجد:انت مش حاببها علشان هاديه وفى حالها مش زى سيلين ش*يه ومجنونه جسور :بالع** ده يمكن سبب فى اني مش عارف اقرب منها رغم اعجابى بيها وانى عارف انها فى الاخر حتكون مراتى الجد:انا عاوزك تحتوى ميسون وتاخد بالك منها جسور:غريبه ياجدى عمرك مافرقت فى المعامله بينهم دلوقتي عاوزنى اهتم بيها اكتر من سيلين طيب ازاى وانا المفروض اعدل بينهم الجد:اسمع ياابنى انا عندى أسبابى واكيد فى يوم من الأيام حتعرفها لكن دلوقتي تسمع كلامي زى ماعودتنى طول عمرك جسور:وعاوزنى اعمل ايه ياجدى انت عارفنى انا ماليش فى حركات الشباب وكلامهم الجد:ههههه بقي انت عاوزنى انا اعرفك جسور:عموما ياجدى انا حطلع اراضي الاتنين الجد:ماتستعجلش دلوقتي تلاقي عايده بعتالك بنتها هي إللى تصالحك ابتسم كل من الجد وجسور وماعداش دقايق ولقي سيلين بتنادى عليه ابتسم الجد ابتسامه معناها ان كلامه اتحقق سيلين:جسور عاوزه اتكلم معاك شويه بعد اذنك ياجدو الجد:اتفضلي ياحبيبتي انتوا فى حكم المخطوبين دلوقتي قام الجد وهو بيغمز بعينه لجسور ودخل القصر جسور:خير ياسيلين كنتي عاوزه تقولى حاجه سيلين بدلع:كنت عاوزه اعتذرلك عن طريقتي في الكلام انت عارف اني اتمني اتجوزك طبعا لكن حقيقي اتصدمت ان حد ممكن يشاركنى حبك كان نفسي تحبني انا بس زى ما...... جسور:ايه سكتى ليه كلمى سيلين: اكمل ازاى عاوزني اعترف انى بحبك من أول مابدات اكبر وافتح عيونى على الدنيا وعرفت أن عهد عيلتنا كتبننى على اسمك وانا فرحتي ماكانش ليها حدود بقي معقول الراجل الوسيم القمر ده إللى كل البنات حتموت على نظره منه حيكون جوزى وحبيبي جسور بمكر:يااااه كل ده كنتى شيلاه في قلبك وساكته سيلين :واكتر من كده كمان بس للاسف مضطرين ننفذ العهد واقبل بنص راجل جسور بغضب:ايه نص راجل ديه فى حاجه اسمها العدل بينكم وحعرفك ازاى انك اتجوزتى راجل كامل ياهانم سيلين:حبيبي انا مقصدش والله طبعا انت سيد.الرجاله كلهم انا قصدى انك حتكون مضطر تعاملها كويس علشان جدو يعني وكده جسور :اولا- انا مش حكون مضطر لانها حتبقي مراتى زيها زيك .ثانيا -مش يمكن هي تعرف تخليني أحبها سيلين:لا دى طفله وصعب جدا تعرف تتعامل مع راجل ناضج زيك جسور:واثقه فى نفسك اوى انتى ياسيلين سيلين:لا يا حبيبي واثقه فى حبى ليك وقطع كلامهم ظهور عايده وطبعا جايه تكمل إللى بنتها بدأته عايده:ايه ياولاد كل ده كلام انتوا ماصدقتوا ولا ايه ؟ جسور:لا أبدأ انا كنت لسه حدخل حالا عايده مقاطعه:عادى يا حبيبي انا بهزر معاكم ده انتوا حتى لايقين على بعض اوى وشكلكم زى القمر صحيح يا جسور هو جدك ما تكلمش معاك على معاد الفرح او تفاصيله جسور :لا لسه ماحددناش حاجه عايده:انا بس عاوزه اعرف علشان الوقت ماي**قناش وأقدر أجيب لبنتى كل إللى بتتمناه سيلين:حبيبتي يامامى ربنا مايحرمني منك جسور:بعد اذنكم حطلع أرتاح شويه عايده وسيلين :اتفضل مشي جسور من قدامهم وهو مش مصدق كم النفاق إللى حس بيه في كلامهم وقرر يطلع يتكلم مع ميسون ويشوف كلامها هى كمان يمكن تعمل زى سيلين وتحاول تجذبهةليها دق جسور علي باب غرفة ميسون ميسون وهي بتفتح الباب اتفاجئت بجسور واقف قدامها زى ماهو اتفاجئ بعيونها الحمرا من كتر البكا وعلى اد ماصعبت عليه جدا على اد ماتاه فى جمالها ميسون : نعم ياأبيه حضرتك عاوز حاجه جسور: ايوه بميسون لو سمحتي عاوز اتكلم معاكى شويه تعالى نقعد فى الليفنج خرجت ميسون من غرفتها وراحت ورا جسور قعدت وهو جه وقعد جنبها ولان ميسون من البنات الخجوله جدا بدأت تتحرك بجسمها علشان تبعد عنه قدر الإمكان جسور:بس يابنتي حتقعي من الكنبه انا مش حاكلك والله انا بس مش حابب حد يسمع كلامنا ميسون باحراج:لا عادى انا بس بوسع لحضرتك مكان جسور:اولا بلاش حضرتك وكمان مافيش واحده تقول لخطيبها ياأبيه إللى قولتيها فوق دى ثانيا:الكنبه واسعه جدا ماتتججيش ميسون :بس انا طول عمرى بقولك ياأبيه جسور بحده:وانا قولت ماتتقالش تانى ميسون بخوف:حاضر وقتها حس جسور انه خوفها وانها اد ايه ناعمه ورقيقة وتفهم خوف جده عليها جسور :انا مش عاوزك تخافى منى انا عاوزك تحبيني ولا انتى مش عارفه يعني ايه جواز وارتباط ميسون:عارفه لكن انا خايفه من إللى جده طلبه انا كده حكون بفرق بينك وبين سيلين جسور:انتي حيكون زيك زيها هي حتكون مراتى وانتى كمان ميسون :لو انت حابب اكلم جده واتحايل عليه لحد مايوافق انك تتجوز سيلين بس انا اعمل كده جسور:وعاوزه تعملى كده ليه علشان رفضانى ميسون ول**نها فضح مشاعرها:انا لا بالع** وقطعت الكلام لكن جسور مسك في كلامها و**م يفهم في ايه في الأول تخيل انها حتنافقه زى سيلين لكن صدمته لما حس ان هي اللي بتحبه بجد ومن غير ماتقول جسور بمكر:هااااا يعني افهم من كده انك موافقه على جوازنا ميسون :.......... جسور:ماتردى عليا وشها احمر وعيونها اتملت بالدموع وجسمها بدأ يترعش جسور خاف عليها جدا وحس ان قلبه بيوجعه .مسك ايديها وكان بيطبطب عليها علشان تحس بالأمان جسور:ميسون انتى مالك فيكي ايه خلاص لو مش عاوزه تتكلمى بلاش انا بس كنت عاوز اصالحك وماحبتش تنامى وانتى زعلانه منى ميسون : لا انا مش زعلانه منك انا خايفه يكون جدو فرضنى عليك ووالله انا بجد مستعده اعفيك من كده واتحمل انا ان الوصيه تتنفذ عليا جسور في نفسه :يااااه معقوله تكونى عاوزه تضحي علشانى للدرجه دى وانا إللى طول عمرى معجب باللى مفكرانى اهبل واصدق الشويتين بتوعها هى وامها ميسون :هو حضرتك سرحت فى حاجه جسور :هو انا مش قولت بلاش حضرتك ميسون :انا اسفه نسيت جسور :ولا يهمك ياحبيبتي بس خدى بالك بعد كده ولا عاوزه الناس تضحك علينا هههههههه ابتسم ميسون ابتسامتها الهاديه وكانت فرحانه من جواها جدا ان جسور خاف على زعلها جسور :انتى عندك مدرسه بكره ان شاء الله ميسون:أيوه جسور :خلاص اطلعي نامى وانا حوصلك بكره الصبح ميسون بخجل:السواق بيوصلنى علشان سيلين متزعلش وانت ماتتعبش جسور وبدأ يظهر عليه غضبه: مادمت انا قولت حاجه يبقي تنفذيها وماتفكريش فى غيرك فكرى فى نفسك وبس مفهوم ميسون:حاضر حكون جاهزه الصبح ان شاء الله جسور:يلا اتفضلى على غرفتك طلعت ميسون على غرفتها وهى طايره من الفرحه ان جسور مهتم بيها وحيوصلها كمان نامت وهي بتحلم بالدقيقة إللى حتركب جنبه العربيه وطلع جسور على غرفته وهو بيفكر فى براءة ميسون جمالها اما عند عايده وبنتها سيلين:اووووف ايه البنى آدم التقيل ده هو مفكر نفسه ايه بيتكلم بمنتهي العوجان عايده:طمنيني عملتى معاه ايه حكت سيلين لامها كل الحوار إللى دار بينهم عايده:حلو اوى كده خليكى راسمه عليه الدور بقي وانا من ناحيتي حتصرف مع سميه وبنتها وحعرف ازاى ابعدهم عن طريقنا سيلين :بس يامامي هو انا حفضل اتذلله كده كتير انا مش قادره اتخنقت منه عايده: فى الأول بس ياع**طه وبعد الجواز حخليه يبوس الشوز بتاعك ياروح مامى ضحك الاتنين ضحكه شريره ههههههههه الحلقه الثالثه/ • ظهرت شمس يوم جديد على قصر الشامي واجتمع كل أفراد العيله على سفرة الفطار كعادتهم لكن النهارده كان موسي الشامي مقرر يفجر باقى القنبلة وصل لغرفة السفره الجد وقعد على رأس المائده زى مايكون ملك على عرشه وبمنتهى القوه والصرامه بدأ كلامه الجد:صباح الخير الجميع :صباح النور الجد:كويس ان كلكم متجمعين ومحدش اتحرك منكم قبل ماانزل علشان عاوزكم عايده :خير ياعمى الجد:ماتستعجليش ياعايده نفطر وبعدين نتكلم بدأ الجميع فى تناول فطارهم لكن عايده ماكنتش عارفه تاكل وعيونها مش بتنزل من على عمها زى ماتكون بتحاول تقرأ أفكاره كان الجد بيفكر لكن عيونه شايفه كل العلامات إللى على وجوه الجميع من استفسار وشاف كمان ان لا ميسون ولا سميه امها مهتمين يعرفوا وواضح عليهم انهم متقبلين أى حاجه منه وعلشان كده قرر يكمل كلامه الجد:جسور انا عاوزك تفضى نفسك من شغلك وتاخد عرايسك وتشترى لهم الشبكه والفساتين ونشوف لوازم الخطوبه وكتب الكتاب جسور:حاضر ياجدى ححدد يومين لكل واحده يوم الجد بصوت عالى :قولت يوم كلامي واضح يشتروا فى نفس اليوم عايده :بس ياعمي ازاى كده اكيد سيلين حيكون طلباتها غير ميسون الجد:مافيش حاجه اسمها طلباتها ياعايده دى عروسه ودى عروسه عايده باستخفاف:ياعمى لكن في فرق واضح بينهم سيلين انسه كبيره لكن ميسون حبيبتي لسه بيبي خالص وحتحتاج وقت كبير علشان تعرف تختار حاجتها الجد:انا كلامي يتنفذ ولا انا شايف ايه يا جسور جسور وكان فهم كلام جده:حاضر ياجدى حاخدهم الاتنين مع بعض وبعد اذنك ياطنط عايده انا حخرج انا وهما لوحدنا ولو إللى جبناه معجابكيش ابقي غيريه عايده بغضب:ازاى ده حتحرمنى افرح بشبكة بنتى الجد:فرحتك حتجيلك لغاية عندك ياعايده كفايه مناقشه بقي واول ماتخلص يا جسور بلغني علشان احدد معاد الحفله وكتب الكتاب حاتم ابو جسور:تقصد ياباشا حتحدد يومين الجد:لأيوم واحد مستعمل فيه كتب الكتاب للبنتين عايده بغضب :لااااااا كده كتير ياعمي ازاى يعني حتنزل ماسك البنتين في ايديه طيب والناس إللى حنعزمهم الجد بصوت عالى وبقسوه:عاااايده الناس كلها حتكون عارفه ولا انتي كنتى ناويه تنكرى ان بنتك ليها دره وتضيعي حق ميسون ... .انسي ياعايده الكل فضلوا ساكتين بعد ماعرفوا ان إللى حيتكلم كلمه واحده مياده نصيبه من غضب موسي الشامي لكن قطع ال**ت صوت هادى وناعم جدا وهو صوت ميسون ميسون:بعد إذن حضرتك ياجدو انا امتحانى باقى عليه اسبوع واحد وانا ثانويه عامه يعنى لو انشغلت بالتحضير حضيع مجهود السنه كلها الجد:خلاص ياقلب جدك حياتي عليكى لحد الامتحانات ماتخلص عايده:يعنى كده حيتعمل فرح سيلين الأول الجد:لأ ياعايده سيلين كمان حتستني لحد بنت عمها ماتخلص الامتحاناتوخلص الكلام ومش عاوز مناقشه تانى ولا انا شايف ايه ياماجد مش سامعلك صوت يعنى ماجد بسلبيه:لا عادى ياباشا إللى حضرتك تشوفه طبعا عايده كانت مولعه على معاملة الجد لميسون لكن قطع تفكيرها وموتهااكتر كلام جسور جسور:يلا ياميسون علشان اوصلك مدرستك ميسون :حاضر انا جاهزه سميه:طيب ليه تتعب نفسك ماالسواق مستنيها حازم أبو ميسون:سيبيه يا سميه عاوز يطمن عليها الجد:انتوا بتتكلموا كتير ليه جسور من دلوقتي وهو فى حكم خطيب الاتنين وكلمته الأولى والأخيرة عليهم يلا بقي كل واحد على شغله مش حنقضى اليوم بطول فى كلام حريم عايده:طيب ماتاخد سيلين معاك توصلها النادى حتى تقعدوا مع بعض شويه جسور : انا ورايا شغل مش فاضي مره تانيه وبعدين هى من امتى سيلين بتروح النادى من الساعه ٧صباحا دى حتى الشله بتاعتها حيكونوا لسه نايمين .....اه وابقي فكرينى ياسيلين نتكلم فى موضوع شلتك ده واخد ميسون وخرج قصاد نظرات عايده إللى كلها لا وحقد وكل مدى ونواياها بتسوء اكتر وتوعدها بيزيد لميسون جسور وهو خارج مسك ايد ميسون وهى وشها احمر اوى من **وفها.ضحك على خجلها وركبهاالعربيه طول الطريق ميسون ساكته وهو بيبص على جمالها ورقتها وحس ان قلبه مشدود ليها لكن كان بيفكر فى سنها وانها صغيره جدا ويخاف يتعامل معاها غلط تكرهه او تخاف منه لكن كانت عجباه فكرة امها تخاف منه لان واحد بطبعه عاوز مراته تمشى على هواه وأوامرهوقال في نفسه كفايه عليا التانيه إللى عاوزه **ر دماغها ميسون كانت فرحانه علشان جسور هو إللى بيحاول يقرب منها لانها كانت متأكده انها مش حتعرف تبدأ وتقرب منه هى .وصل جسور امام باب مدرسه ميسون وشافها زملاتها لان مدرسة ميسون مشتركه ولأن حظها وحش جدا شافها ياسين زميلها شاور لها وطبعا ده عصب جسور وخلى الدم يغلى فى عروقه لانه كان متوقع ان ميسون مش بتكلم زملاتها الولاد ورغم أن دى الحقيقه وان ياسين ده متطفل وبيحاول يلفت انتباهها إللى ان الانطباعات الأولى مع جسور بتدوم وماحستش غير وايده بتشدها من ذراعها التفتت ليه وهى مرعوبه من تصرفه جسور:مين الحيوان إللى بيشاورلك ده ميسون :ده زميلى فى المدرسه جسور :وانتى بقى بتكلمى زملاتك الولاد عادى وايه حدود العادى ده ميسون بثقه :على فكره انا اصلا مش بكلم زملاتى الولاد وده مش اكتر من انسان غلس بيحاول دايما يضايقني ولو تعبت نفسك ودخلت للمدير حتعرف انى قدمت فيه شكوى جسور :وماقولتيش لحد من العيله ليه واحنا نتصرف ميسون:لان انا مش طفله ولا احنا فى شارع احنا فى مدرسه ليها اداره ولو ماتصرفوش معاه كنت حبلغ بابي او جدو جسور:عموما اتفضلى وانا حتصرف نزلت ميسون ودخلت على مدرستها وجسور اكتشف ان فى جانب تانى ماكانش يعرفه فى طفلته وانها مش بتقبل بالغلط لأ وكمان بتعرف تدافع عن نفسها جسور بينه وبين نفسه :ياترى لسه حشوف منك ايه تانى ياقطتى .......................... ...... ..................... اما عند عايده فى القصر دخلت على غرفتها والعفاريت بتتنطط قدام وشها واتصلت على شريكتها في الخراب دادا ابتسام عايده:اسمعيني كويس حاولى تتصرفى وتخرجى استأذنى من الباشا او من مشيره وقابلينى على باب البيوتى سنتر ابتسام:خير فى حاجه وليه مش حنتقابل فى النادى عايده :النادى مش امان وبعدين لما اقابلك حتفهمى