الفصل التاسع

1002 Words

وصل جسور وميسون للبيت وقضوا اليوم كل واحد فى غرفته جسور بيفكر ان لو اتنازل عن قراره حيكون ده ضعف منه وميسون خايفه ليكون قراره بالبعد عنها وده ممكن يقتلها لكن استحالة تتنازل عن طموحها وقع الاتنين فى حيرة عنادهم وكل واحد فيهم بيتمنى التانى يتنازل علشانه ويثبتله حبه مر يومين وميسون مستنيه قرار جسور ............................. أما سيلين بعد ماوصلت بلد الفن والجمال كان فى انتظارها احد المسؤلين عن العلاقات العامه بفرع شركات الشامى فى باريس ووصلها لحد مكان الفيلا وسلمها السياره المخصصه ليها وده طبعا بأوامر من جدها دخلت الفيلا واتعرفت على الاتنين الموجودين فيها وهما مدام روز مديرة المنزل عمرها حوالى ٤٥ عام من أصول عربيه وامها فرنسية الج*سيه بتتكلم عربى كويس جدا وديمترى المسؤول عن حراسة الفيلا ومراعاة الحديقه لان هوايته الوحيده الزراعه وهو تقريبا من سن روز واتعلم اللغه العربيه مخصوص علشان خاطر روز اللى حبها من أول مادخل الفيلا سيلين ارتاحت جدا من أول معرفتها بروز وحست ان فى الفه بينهم ارتاحت أول يوم من السفر وبدأت من تانى يوم ليها حياه جديده صحيت من نومها فى الساعه السابعه صباحا عملت تمارين رياضيه فى حديقة الفيلا وبعدها كانت روز حضرتلها فطار صحى فطرت واخدت اللاب توب بتاعها ودخلت على غرفة المكتب أكدت ميعاد المقا**ه بتاعتها فى أكبر جامعات باريس للدراسات الحره وهى جامعه تابعه للسربون وكان لازم سيلين تراجع معلوماتها لان اثناء حيكون فيه اختبار ليها اختارت اصعب الجامعات فى التعامل جامعه متخرج منها أكبر الوزراء سيلين كان عندها هدف وقررت تختار اصعب الاختيارات وتتحدى نفسها وبعد وقت جه معاد الغدا لكن طلبت من روز تتغدى معاها سيلين:مدام روز علشان خاطرى تعالى اتغدى معايا انا متعوده نكون متجمعين انا وعيلتى واول مره اكون لوحدى روز:سيلين حبيبتى ده م***ع هنا انا بشتغل هنا ليا مكان الغدا بتاعى سيلين:غيرى النظام ارجوكى روز:حاضر علشان خاطرك انا ح**ر كل القوانين سيلين :ميرسى مدام روز روز:عفوا سيلين هانم سيلين :ممكن بلاش هانم كمان روز بأبتسامه:كده يبقى انتى كمان وقوليلى روز بس سيلين:حقول انطى روز روز:وانا موافقه اتغدوا مع بعض وعرفت سيلين ان روز بتجرى كل يوم فى نفس الشارع إللى عايشين فيه يوميا وقررت أن من بكره حتجرى معاها وطبعا كل ده كان ع** طبيعة سيلين إللى ماكانتش بتصحى غير بعد العصر وتروح النادى وسهر طول الليل غيرت حياتها واتمنت تقدر تنسي الماضى وفى يوم جديد سيلين بدأته زى ماخططت هى وروز وبعدها رجعت أخدت شاور وطلبت من السواق إللى بعتته الشركه لان طبعا سيلين متعرفش الطرق يوصلها الجامعه فى الحى اللاتينى وصلت جامعتها فى المعاد المحدد للمقا**ه كانت متوتره جدا ومش عاوزه تفشل فى اول خطوه ليها وأثناء دخولها اصتدمت فى شخص وبسبب اصتدامها وقعتله كل الأوراق اللى فى ايده الشخص:يييييييه سيلين:بردون الشخص:انتى عربيه سيلين:أيوه مصريه السخص:بعد كده ياريت تنتبهى انتى هما مش فى مصر انا ممكن اقاضيكى سيلين:يا سلام ليه كل ده ده حتى عيب ده انا بنت بلدك الشخص:الكلام ده فى مصر مش هنا سيلين:خلاص انا اعتذرت اعملك ايه تانى الشخص:ماتعمليش حاجه اتفضلى مشت سيلين وسابته وهى حتموت من الغيظ ازاى حد يكلمها كده لكن كمان خافت تتصرف أى تصرف يتحسب عليها ويرفضوا قبولها بالجامعة قابلت المسؤوله عن تنظيم المقابلات وعرفتها ان إللى حيقوم بالمقا**ه معاها هو السير .مالك العدوى سيلين بينها وبين نفسها :هو انا جايه ادرس فى جامعه القاهره ولا ايه كلهم هنا مصريين وصلت للقاعه إللى بلغتها بيها المسؤوله وشافت سير.مالك العدوى مالك:انتى سيلين:ايوه انا هو حضرتك سير .مالك العدوى مالك مالك:ياريت تنسى انى مصرى وتتكلمى فرنساوي وبدأت سيلين المقا**ه والاختبارات وتعمدت ماتنطق ولا كلمه عربى لكن من جواها كان نفسها تولع فيه اما السير مالك انبهر بمقاومتها وثباتها وأنه مااقدرش يهز ثقتها بنفسها خلصت المقا**ه وخرجت سيلين من عنده وهى شاغله كل تفكيره رجعت على الفيلا وحكت لروز على يومها واتغدت ونامت ................................... اما فى مصر كانت الأجواء متوتره جدا بين ميسون وجسور هى ورافضه اصحى بمستقبلها وهو رافض يتنازل عن قراره وقرر يبلغها بكده راح جسور لميسون غرفتها ودخل بعد مااذنت له بالدخول جسور:ميسون انا محتاج اتكلم معاكى ميسون:بيتهيألي احنا اتكلمت والمفروض تبلغنى قرارك جسور:انا مش قادر اصدق انك ميسون الهاديه الرقيقه التى العند ده كله منين ميسون:هو انا لما احافظ على مستقبلى ابقى بعاندك جسور:انا رافض انك تدخلى طب وتضيعى سنين كتير من عمرك فى الدراسه ميسون:وانا ماتعتبش وذاكرت علشان فى الاخر تلغى طموحى جسور:حتى لو حتخسرينى ميسون بعناد :حتى لو خسرت حياتى كلها جسور:يبقى انتى إللى اختارتى انك تبعدى ميسون:انا سيبتلك حرية الاختيار لكن ازاى جسور باشا الشامي يتنازل عن قراره حتى لو كان علشان مستقبلى جسور:انتى شايفه كده مش شايفه انك انتى إللى اختارتى طموحك ومستقبلك عن قلبك وحبك ليا وعن جوازك منى ميسون:والله ده قرارى واعمل إللى يريحك جسور:خلاص يبقى حنفضل ولاد عم وبس ميسون:تمام شوف الإجراءات ايه وبلغ بيها العيله خرج جسور من عند ميسون وهو حزين ومصدوم ان رغم ضغطه عليها بانفصاله عنها الا انها اختارت مستقبلها إللى هو شايف انه مالوش لازمه اما ميسون فبعد خروجه انهارت ودخلت فى نوبة بكاء هيستيرى على حبها إللى مش عارفه هى ضيعته ولا هو إللى ضيعها نزل جسور يدور على جده علشان يبلغه بقرارهم ولقاه فى مكتبه كالعاده الجد:تعالى يا جسور انا كنت لسه حبعتلك جسور:خير ياجدو الجد:عاوز اعرف ناويين تعملوا الفرح امتى جسور بحزن:لا خلاص مافيش فرح الجد بصدمه:ايه مافيش فرح ازاى انتوا اتجننتوا جسور:اختارت كليتها ومستقبلها وماختارتش تكمل معايا الجد:قصدك إختارتكم انتم الاتنين لكن انا عاوز تكون لوحدك جسور بغضب:انا مش قابل ده واعتقد انى راجل وده من حقى الجد:انا لما اختارتك علشان تكون مسؤول عن مصالح العيله علشان عارف انك حتبدي المصلحه العامه عن مصالح الشخصيه جسور باستغراب :وايه المصلحه العامه فى جوازى من ميسون الجد:انت ناسى انكم اخر نسل للعيله من نفس الدم جسور:وده يخلينى اقبل بان مراتى تمشى كلامها عليا من أول مشكله تحصل بينا الجد:انا مش بقولك إللى شخصيتك لكن كمان ماتلغيش شخصيتها جسور بغضب:دى م**مه رغم انى ضغط عليها وعرفته انى حسيبها الجدبمكر:وانت حتسيبها جسور:لا طبعا ده انا اقتلها يوم ماتفكر تسيبنى الجد :خلاص يبقى توافق وبعد الجواز هى حتتعب ومش حتقدر تكمل جسور بتنهيده:هيييييه مش واضح حفيدتك ورثت عند العيله الجد:لكن انت قدها وقدود جسور:حاضر ياجدو حوافق وربنا يحلها من عنده خرج جسور من عند جده لكن حب يسيب ميسون ومابلغهاش بموافقته لحد ماتيجى فرصه مايعرفش ان ميسون على وشك الموت بسبب قراره &&&&&ياترى جسور حيعمل ايه فى ميسون وايه إللى حيتم بين سيلين ومالك تابعونى فى الحلقات الجايه&&&&& اسفه على التأخير

Free reading for new users

Scan code to download app

App Store Google Play

Facebookexpand_more