Naghihintay ako na sagutin niya ang tanong ko, ngunit biglang may kumatok sa kwarto. Agad ko naman na iniangat ang damit ko at umayos ng pagkakahiga. Nagbukas ang pinto ng kwarto at bumungad doon si Jaira. Halata sa mukha niya na may hindi magandang nangyayari ngayon. Ano na naman kaya ang nangyari?
“Master! Sinusugod ang bahay ni Oldie ngayon! Mukhang may balak ang mga kalaban na patayin siya!” pagbabalita pa ni Jaira kay Brickell. Miski ako ay nagulat dahil sa balita na ‘yon. May mga kalaban na naman na narito sa mundo ng mga bampira? Kailan ba sila mahuhuli? Parang hindi alerto ang mga tauhan ni Brickell dito. O baka sadyang hindi lang talaga nila kilala kung sino ang mga kalaban? Nakakainis na hindi pa rin nila nahuhuli ang mga kalaban na ‘yon. Pero hindi ko rin naman sila masisisi d
