Hindi ko alam kung ano ang ibig sabihin do’n ni Jaira. Pero medyo masaya ako dahil may mapagkakatiwalaan na ako sa mundong ‘to. Mabuti na lang at kinausap ako ni Jaira ng ganito ngayon. Kung hindi, baka nabaliw na ako rito. Marami akong gustong malaman tungkol sa mundo na ‘to, kaya kinausap ko pa siya.
“Delikado ba talaga ang mundong ‘to?” tanong ko. Alam ko naman kung ano na ang sagot doon, pero hindi ko pa rin maiwasan na itanong.
“Para sa isang katulad mo na purong tao, delikado talaga ang lugar na ‘to. Lalo na sa oras na malaman ng mga bampira rito na tao ka, mas magliligalig sila. Ang naman dito ay hindi pumapatay ng tao at hindi rin kumakain. Mababait ang ibang mga bampira na nakatira rito. Pero hindi pa rin sigurado kung magiging ligtas ka ba rito o hindi. Kilala ka na ngayon sa
