Maliwanag ang paligid nang dumilat ako. Bahagya akong napakuskos sa aking mga mata bago ako dahan-dahang bumangon. Natulog nga pala kami pagkatapos naming kausapin si Husa.
Pero bakit sobrang liwananag? Hindi ko naman masasabing umaga na dahil wala namang gabi rito.
Nang tuluyan na akong makabangon ay para akong lasing na nahimasmasan! Paano ba naman ay natanaw ko sa 'di kalayuan sina halihayop, Jila, at Husa... Kampanteng-kampante silang kumakain at tila sarap na sarap pa!
Bumangon na ako nang tuluyan upang puntahan sila. Parang bigla ring kumalam ang aking sikmura. Kita kong kinakain ni halihayop iyong prutas na nakuha namin kay galamay habang sina Jila at Husa ay may kakaibang kinakain na nagpalaway naman sa akin.
"Sa himbing ng tulog mo hindi mo na namalayan o naramdaman na inilaba
