Mainit na agad ang ulo ni Connor pagkalabas niya ng NAIA Airport. Puyat siya at pagod pa dahil kagagaling lang niya sa meeting bago siya umuwi sa Pilipinas. Nahagod niya ang batok nang mabasa niya ang lumanas na online news tungkol sa kaniya.
Wala siyang kamalay malay na ang welcome party na inihanda sa kaniya ng pamilya ay siya rin palang araw na pipili ang mga ito ng babaeng pakakasalan niya. Mariing ipinikit niya ang mga mata at nahilot niya ang sentido ng biglang kumirot iyon.
Narinig niyang nagsalita ang driver na itinalaga ng kompanya na sumundo sa kaniya pero hindi niya ito pinansin. Isinandal niya ang likod sa backrest ng upuan at nakakunot noong ihinagis sa tabi ang cellphone niya.
“Dalhin mo ako sa pinakamalapit na hotel,” seryosong turan niya sa driver.
“Pero sir, ang bil
