Four years later…
“Good morning!” masiglang bati ng mga tauhan ni Diana nang pumasok siya sa kitchen area ng pag aari niyang restaurant.
“Good morning too.” Nakangiting ibinilin niya sa isang assistant niya ang mga ihahandang sangkap para sa putahe na lulutuin niya.
Kahit napuyat siya dahil ilan oras din siyang nakipag usap sa mommy niya sa telepono kagabi ay maaga pa rin siyang pumasok ngayong araw.
Nang maalala ang sinabi ng ina ay hindi niya mapigilan ang mapangiti habang hinahalo niya ng sandok ang sangkap na inilagay niya sa kawali. Gusto ng kaniyang ina na mag asawa na siya sa lalong madaling panahon.
Magmula nang makipaghiwalay ang ate Hasmine niya sa asawa nitong Singaporean ay siya naman ang kinukulit ng mommy niya na bigyan ito ng apo. Hindi kasi pinalad na mabigyan ng an
