One week later…..
Tahimik na naghintay si Diana sa waiting area hanggang sa sabihin ng sekretarya na pwede na siyang pumasok sa loob ng opisina ng boss nitong si Federico Campbell.
Nang makatanggap siya nang tawag kahapon mula sa matanda at sinabi nito na gusto siya nitong makausap ay napilitan siyang makipagkita dito.
Isang malalim na buntong hininga ang pinakawalan niya at mariing ikinuyom ang mga kamay na nakapatong sa ibabaw ng mga hita niya. Isang linggo pa lang ang nakalipas pero pakiramdam niya ay isang buong taon na iyon. Sa bawat pagdaan ng mga araw ay para na siyang mababaliw dahil sa matinding sakit na nararamdaman niya.
Paulit ulit siyang kinakain ng konsensiya niya sa tuwing maalala niya ang mga kasinungalingan na sinabi niya kay Connor. Ipinamukha niya rito na ginamit n
