Tuluyan na akong napahagulgol ng iyak nang makita ang aking mga magulang sa tabi nina Simon, Carlo at Simona.
"Ma... Pa..." umiiyak kong sambit.
Lumuluhang lumapit ang mga magulang ko sa akin saka mahigpit nila akong niyakap.
"Carla..." humihikbing wika ni Mama.
"Muli ka na namang napalayo sa amin ng matagal na panahon," pumipiyok na anas naman ni Papa.
"Sorry po..." tanging salitang nanulas mula sa aking bibig.
"Bakit hindi ka man lang tumawag sa amin?" may himig tampong tanong sa akin ni Mama.
Tumingin ako sa gawi ni Simon nang maalala ang teleponong kinuha sa akin nito noon.
"Sinasaktan ka ba niya?" napabaling ang tingin ko kay Papa nang marinig ang tanong nito.
Iniling-iling ko ang ulo saka ngumiti ako sa kanila ni Mama.
Pinagmasdan akong maigi ni Papa na tila sinusuring mai
