الشيخ والعشق

11

صرت وره الساتر وض*به قويه عله رجلي عطت اي

وجعه وربج لخلي لعكال يهلهل ع ضهرج

اخ قيصر شبيك تخبلت

ليش خليتي عقل براسي انتي لج أشر نزلي من**رت عينج كاعده تهزين واني مشتعل جدي

وانت شعليك هسه انت مو ركصت

هاا وتركصين انتي لازم مثلي والناس تباوع عليج ثانيا شهل لبس هذا زندج كله طالع

خررررب اي لتض*ب يأذي

منو سمحلك تمد ايدك انت مو ولي امري ايييي

خوش خل لعكال يلعب ع ضهرج شويه وشوفيني منو الي شعليه

خرب والله اموت منك اكرهه خبيث غشاش

منو لج الي تكرهيه

انت والله ضهري كام يوجعني شكد مكروه

لج غ*يه نار بداخلي وانتي تهزين وهذا لثوب مفصل تفصال حمد ربج مالعكال صفك ع ضهرج كدامهم

تايهتلك لان مكروه

يعني تكرهيني هسه انتي

اي

متأكده

اي متأكده

خوش دثبتي انج تكرهيني عجل

ض*بني بالعكال ع رجلي وع زندي وض*بتين ع ضهري صدك يوجع وضجت شنو يض*بني كتله اكرهك كال ثبتي جرني من شعري ولزك وجهي بوجهه هوه اطول مني دنج عليه واخذ شفافي اول مره بقوه بعده لاررخه بله شي اني حذائي بالكوه واكفه عليه من باسني احس رجلي خدرت

قيصر: كمت اسمع اخبارها من خلال محمد متقبل تجاوبني ولاتفتح خط اني من كالو جت بت شسميها ماكو اغله من اسمها ع ل**ني سميتها ناي رقيه سئلتني مكذبت كعدت كتلهه طلبت منكم كذا كذا مليبيتوني وانتن مكانجن ع راسي امهات بناتي واتمنه ترضن بهل امر وكل وحده الها مكانه عندي وماقصر وياجن

شفتهه مهتمت مثل من اخذت امل عادي لوضع عدهاا خايبه دحسسيني بغيره بصخام

شفت ناي من طببت محمد اويلي شكثر مشتاق الها ملكه اوف لوبس تريح كلبي وتلبس شي بي خير عريض بالقاعه اباوعلها ابتسم هيه هم تكتم لاابتسامه بس تضهر شحلو رصعت خدها ذبت مثل العباه لابستهه وطلعت الركبه لي اخاف هيه متجذب النضر مخليتها تجذب اكثر لابسه ز**يل خناكي وعين جبيره وبيه سبعه الثوب ردنه شفافه ومقسم عليهه تقسم تكول مرسوم عليها فتحتهه من تمشي تبين حجلها يكولك باوعني اشتعلو اهلج ع اجدادج ع الي خلفوج اويلي بويه كون الزمج ائشر لبسي ماكو كلت يجوز ممنتبهه او متفهم خليها هيه فرحه ساعه وكاعده ممتحركه

كوموها تركص تشنجت ركبتي كثر مااشرت هذي عاندت وكامت تهز انوب ذبت حذائها لابسه برج ايفل وتردح اشتعلو اجداج صرت ناررررر ماشوف كدامي كمت ع نيه اسحلها من الاستيج ذبيت عباتي هيه انتبهت نزلت ده تنهزم وكفت عود اسلم العالم شتكول بله عليه كتلها لحكيني اول مجت لازم عكالي بيدي اني محضره اكلتلها كم عكال اض*به وهيه تنز نسيت العالم ودنيه رحمه الله اغاني عاليه جان نفضحنه

كالت اكرهك واني ميت شوك الها وهيه كدامي تنكرط خذيت شفافهه واني جارشعرها ذابت روحي حته ايدي خدرت عفت شعرها وجلبت بجتافها قربتهه لحضني انكطع نفسي بعدت عنها وياريتني مبعاد سايحه بيدي عيونها مسدوده زيدت ناري نار رجعت خذيت شفافهه واني اتقدم شوي شوي وهيه ترجع وي حركتي صار ضهرهه ع حايط مسنود حوطتهه بيدي حضنتها من خصرها لزكتها بص*ري ونسيت روحي وياها بعدت عن شفتها ثبتت كصتي ع كصتها اخذ هوه من نفسها

احبج فتحت عيونها ببطئ بستها من خشمها

اعشقك

بوياااااي ياسواديني شكلتي يابعد كلي

دفو حب حنان حضنه بهل دقايق شي خيالي ضعت بي ايده الي تمسد ضهري وشفافه الي تتفنن بشفافي حسيت مثل ابره بنج م**ره خدرت كل جسمي بس خدر بي نكهه ارتباك مفرح اي فرحانه فرحانه ابوسته بحضنه بكل شي تسللت من بين شفافي كلمه اعشقك رجع راسه ليوره كالي عيديها وبعد شعري بيده وحط راسه ع ركبتي يبوسني بخفه وانفاسه ع ركبتي غصبن عني ايدي ارتفعت وحضنته

احبك قيصر

اموت بيج ولج خلص صبري رحميني دخيلج

رجعت اخذت شفايفهه ايدها ع جتافه من بستها صعدت ايدها تتلمس خدي حركه بسيطه خبلتني لازم نفسي بالكوه بعدت عنهه بالكوه اجر النفس ناي روحي بويه صارلي 8شهور مالازم مره روحي من كدامي لايصير الي بحيات اهلنه مصاير

هههههههههههههه وجهك كله لمع

بويه روحي تره روحي سايحه مني لاتخليني افقد وتاليتي حته ابوي يتبره مني

هههه خل اعدل مكياجي واروح وانت غسل وجهك ماشي شيخي

اشتعل ابوج وابو شيخج اشعلتيني خايبه روحي وكتاب الله لازم روحي بالكوه طبت حمام نساء وطلعت اني ع وكفتي طلعت معدله حمرتها كتلها طوخ خففي حطت كلين** بين شفتها وضغطت عليه وتحرك شفافهه عليه ض*بت كصتي بيدي بويه يابت الناس ستري علي وروحي عاد ضحكت وراحت طبيت غسلت وجهي ولبست عكالي ها ياشيخ منو كدك اليوم بويه كون انه بمكان محمد اليوم اي وعلي حته عشه ماريد بس زفوني

-احس اخر سن من سنوني طلع كعدت عمتي كالت وين رحتي كتلهه عدلت مكياجي بعده مااجه هوه مجايب نسوانه ثنينهن جايب بس رقيه لان امل نفسه مخلوها تحضر عاداتهم هيج دورت عليها شفتهه كاعده بميز كاعدين عليه نسوان وجهال خرب حضي عايفته كاعد وحده هوه كاعد بصف لشيخ ورجال جبير هم بصفه هوه وسطاني صاير بصف الشيخ كاعده الشيخه نوال وبصفهه ام قيصر ومرت احمد واحمد ونسوان ثنين

وهيه مختليه بميز يمكن بيه اهلها يعني وجهال ونسوان والله لو بمكانج مواكعد يمه اكعد بحضنه احجي ويه نفسي واضحك شفته اجه غمزلي وكعد فدوه عطره بعده بخشمي روحي طايره بغير مكان صدك بهل تصرف رجعني لمراهقتي الي اصلا معشتهه ركصو العرسان وكام اخوه صادق ع ابو الديجي كال

بويه فرحتنه متكمل اله من نسمع الكناري مالنه شيخنه ماتحن وتسمعنه صوتك

كلها صاحت ايييييييي حيوووو الشيخ هوه يمكن يستحي من ابوه اشر لصادق اش ويعظ بشفته الشيخ ابوه ض*ب ع جتافه ماعرف شكله بس يمكن كله غني لان كام اتجهه ع ستيج عيني اتابع وتسرح بكل شبر بيه كاعده يمي بت عميالت لج شوفي هيبه هيبه عزه بعينه شكد حلو اتمنيت اكلها والله

قيصر: اول مره بهل قرب ناي مني والله وباجر اتحاسب ع كلامي بهل دقايق حسيت اول مره الزم مره بين ايدي عطرها يسطر لمساتهه بوياي اطك روحي واخلص

انه روحي مسافره طايره ويه لطيور وطلعلي مصيبتي صادق يريدني اغني من يومه ماكو وراه بس لمصايب بس احله مصيبه ناي لو مسويله هل مصيبه من زمان جان كعدت عدله ابوي يعرف بيه ادندن بس اله هيبته واحترامه مااغني كدامه جكاره.

مااشربها كدامه وانه ابو وعمري 31سنه طبعا حبيت ناي وانه بعدني مطاب ال30وخلصت ال30وطبيت ال31 بحبها

ابوي ض*ب ع جتفي كال كوم مشتاقين لصوتك ابو داود

اكو مواقف تصير تخليك ادندن بينك وبين روحك اغنيه تخطر ع بال خطرت ع بالي وغنيتها واكيد لبلبل الجنوب كريم بويه لاتملون منه انه ماحب غيره تكول اولها موال بسيط تيهت دربي شلون مندل هلي وين

-هوه غنه ابو الدي جي شغل الاورك يعزف كلها تهز كامت واني صافنه بعيونه الي تسترق النضر من بين الحواليه وتندار عليه

رؤى كاعده يمي من نزل من الستيج كلهه تصيح معدل وابن معدل معروفه افعاله

شاورتني ولج هذا لو عنده 10نسوان هم اخذه خرب ولج هيبه وجمال وطول وعرض وانوب ايغنيلي عزه والله باجر اني اروح اخطبه موهوه ولج رجلي اكوله صباح لخير ايرد عليه من وره خشمه هههههههه بس امي معاجبها لوضع

-عمتي جانت ضايجه ومخنزره ع قيصر

زفيناهم للفندق ومن وصلنه كلها تريد تنزل الشيخ كال مشبعتو منهم عوفوهم شلكم غرض بعد بيهم قيصر اخذ اخوك ومرت اخوك وياك وحده من البنوات صعدوهم

عمتي كالت اني اصعد وياها لان سمعت قيصر حيصعد

سرى: ماما فدوه لبدله متكدريلها خل ناي تصعد

عمتي مبينه غصب من صوتها صعدي ناي وياها صعدنه بالمصعد شكد مرتبكه سرى اني اكثر بقاطات منها عبالك عرسي

محمد: يوم ال الكم

قيصر: من حلك لباب السمه يخوي

ناي: رافع ايده يدعي من مل عقله بيده الكارت فتح لباب طبينه اني وسرى وهمه ضلو بره فتحتلها البدله والحجاب عدلت شعرها عدلت المكياج وحظرتلها غراضها ولعطور وحطيت لبدله بكيسهه ضميته بجنطه مال الفندق حطيته حته من انزعها اخذها بيه طلعت واكفين هوه ومحمد

محمد عليك الله دير بالك عليها

قيصر: محمد ديربالك عليها واني حدير بالي عله ناي ليضل بالك خايبه ديري بالج ع نفسج حبها وحبته وها اخذها خوما مثل حضي هههههه

ناي: طب محمد سلمنه عليهم ومشينه للمصعد اول مسد لباب محمد كال يوم ال النه

النه شنو يمه امشي

'-لاهيج اغني يوم ال الي واذ*ح طلي وبجاه سيدنه علي

-ههههه ددوس صفر الارضي

-ناي اعشقج

-ضل واكف بمكانك اطيناك عين تره اكو كاميرات لاتفضحنه ههههه

-ممسوي شي ده احجي بس ليش توازون واحد ع سجن ابوغريب ولد مؤدب اني شنو قصدج هيج تحجين تردين اطلعين عيني مثلا

-ناي صار 3سنين نعرف بعض مو كافي

-يمه وين اكو سنتين و5شهور

-ههههههههه يابه سنتين وخمس شهور ثقي بالله ماتندمين

-دنزل عيني انزل الله كريم تمشينه همه ينتضرونه بالباب مال فندق كام ايدندن شحلو طوله من يمشي وياي بس لو هذا الكعب شويه ينساه تلن تلن

ههههههههههه

-برج ايفل هذا موكعب

-ابيش ضارك

-عمتي صارت بوجهي غيرت لموجه كلها

من الفندق ناس سلمت عله ناس طبعا هوه حلفني من ده نصعد ويه العرسان كال التلفون فتحيه اول موصلت للبيت فتحتهن وبدلت عمتي كضتها مناحه عله سرى مججت ويايه ثاني يوم كعدتني كالت نودي الريوك لبيت احمد لان همه ابيت احمد ايطلعون ومناك يرحون لاهل محمد باليل اخر اتصال قيصر كال اني وامي ننتضرهم الباقين يمشون من الفجر ? كعدت ع سريع سبحت وطلعت شعرري نشفته بشسوار بعدها ساعه 8الصبح حطيت مكياج بسيط وطلعت اجيب ريوك عمتي ويايه اخذت كيمر وكاهي وجبن ورجعنه حضرنه لصينيه وسوينه بيض ? هدومي صارت زفر بدلت بسرعه وطلعنه رؤى قبل منطلع اخذها رجلها بيت احمد مااندله مديت ايدي بجنطه. ناسيه التلفونات خرب صاركم يوم مقفولات وماشيلهن فتعلمت اطلع من دونهن خابرت عمتي ع سرى ومحمد وصفلي طبيت الدوره كال واكفلج قيصر بسياره عمتي كالت وتالي مانخلص من قيصر الروم

ضليت امشي وراه لحد موصلنه تلكونه سرى ومحمد جايين كمت ويه مرت احمد احضر لريوك لان جلبو بينه اله سوه نتريك

كمت اساعد حنان مرت محمد سمعت صوته ورايه

-ناي ليش مجاوبين هم زعلنه شصار النوب

-لا بس التلفونات نسيتهن بالبيت

-يمعوده صدك كذب عايش بالهبطات من وراج اني ضليت حاير البارحه كلشي ماكو ليش زعلت والله اذا صار بيه سكر من وراج

-مرت احمد واكفه وهوه مستمر خرب فد فشله

-ههههع شبيج كمتي تطين الوان لايابه اشاقه تره اذا صار بيه سكر من حلاتج

-طلع من المطبخ اني بنص هدومي مرت احمد كالت هنيالها لتاخذ قيصر والله

-هذا حالي اني??

-تره والله مولان حمايه بس يستاهل كل خير

-ههه وديت السفره والكل التمو ع اكل اني مصخنه من الفشله بيومها جان لابس تراك رصاصي بي سترابلس فانيله سوده جوه وفوكاه جاكه سحاب مصعدها لنص كاعد كبالي الريوك عذاب صار عليه مادام هيج حجت مرت احمد يعني كلها تعرف ممخلي احد محاجيله شكد عيب شيكولون عليه هسه اطمنه عله سرى وطلعنه اول محركت بدت عمتي

ناي تره اني مغلسه عن شغله البارحه يغني ويتغزل بس سكتت كلت هسه يكولك ده ايغني وكلها كاعده ليش بس انتي حجيتي بس هاي لنضرات وماعرف شنو متعجبني

-ضلت تحجي اني مغلسه وصلنه للبيت طبيت تلفوني ايدك جاوبته حجيت وياه شويه وراح التلفون بي كومه مكالماات ورسائل وينج لتخلين بالي وكذا

صارت السبعه مال سرى ورحنه جنت رافضه الروحه بس لحو عليه ع ان عيب وميصير اخذتلها محبس جان يسموه نور ومهند بي فص ابيض خاتم واجرنه كوستر لتمينه كلنه بيهه عماتي وخالاتي سوها غده حته الحك نرجع تلكونه العالم وجانت سرى متحضره عبالك صار سنه مشايفيها طلعت خطيه تلكتنه طبينه جوه وناس تسلم ع ناس هستوني كعدت وصار صياح

-ام الزلم الي ماتستحي ماعدها خجل تريد رجال عده كومه لحم

-صوت صياح وصوت ثاني يسكتهه بهل اثناءصارت كدامي امل ووحده لازمتها تكولها فضحتينه

متستحين ممتربايه راصه جسمج ومحمره جايه تبوكين رجال من نسوانه متخافين الله انتي صار شهور مطاب حجره وحده من نسوانه الله لايطيج

-نسوان كلها التمت عمتي كالتلها بتنه معليها رجلج لاحكهه وكاتل نفسه عليها

-لو هيه مو خفيفه ومشعشه جان ماخلته يركض ? وراها الك… ه الس….. ه

ناي: بعلو صوتها تغلط ال**ني انخرس استاهل اني حطيت روحي بهيج موقف سرى تعاركت وياها كالتلها دواج عندي وطلعت من الاستقبال الشيخه تسكتها وهيه تزيد بالغلط وناس كامت تطي لناس فضيحه كدام العالم طب قيصر جرها ده يطلعها تكوله هااا انحرك كلبك ع ساقطه مالتك الي خلتك تنسه بناتك ونسوانك عمتي كالت يله كمنه ده نطلع وهيه هجمت عليه جرتني من شعري بهل اثناءسمعت صوت ض*به انداريت قيصر ض*بها راشدي وعاط بسسس

والحاضر يبلغ الغايب بت الناس هاي اني رايدها ع سنه الله ورسوله ولعنده اعتراض ايطك راسه بالحايط

ام سرى: عيني لارايدها ولاتريدك ماعدنه مره الك وبعد ميربطنه بيكم غير سرى تجي لبيت ابوها حته بيتكم بعد منوصله

ناي: اتمنيت احفر الكاع وادفن نفسي فضيحه متسولف رجعنه وخالاتي وحده ترفع وحده تكبس وصلت للبيت اتمنه بس لموت انوب استلمتني عمتي هذا الي ردتيه عجبج صرنه معاره

اكلت كلبي بزايد دخلت لغرفتي تلفوني مسكت شمرته بالحايط صار ثنين

قيصر: مصدكت رجعنه نحجي سوه وماخليت حيله ماسويتها حته تقنع وترضه بهل زواج كالو حيجون استعدينه لااستقبالهم الحلو صاركم مره من تجي للديره لبسها مستر حلو جانت لابسه فستان طويل وفوكاه مثل الستره كابوي شهرها كله ملموم ومرفوع ليفوك هاي ثاني مره تفوت بيتنه بي وكل مره ادعي الله تفوته وهيه عروس الي قبلها بكم يوم صار حديث والسر اذا صار عد 3هذا موسر واكثر من واحد عرف بموضوعها واهمهم رقيه كافي هذا ان هيه تبلغ امل حته تتشفه بيها وحاجتني امل ومانكرت وكتلها نفس لحجي وخلص اتفقنه

كاعدين بديوانيه ودك رقم سرى ع تلفوني محمد هم كاعد شعجب مدكت ع رجلها جاوبتها

ها سرى

قيصر فدوه الحك مرتك لعبت طوبه بناي كدام النسوان

طبيت اركض انوب نسوان كاعده عيب اطب اني اسمع صوتهن ناس تناول ناس مالها غير حل جفتت بعدت امل كتلها طلعي وبعدين نتفاهم حاولت اسكتها ماكو اخر شي هجمت ع بنيه واني بوجهه يعني هانتني الي من اني واكف وتمد ايدها ع احد ورايه ض*بتها وكلت كدام الكل اني رايدها عمتها ردت ان مالي مره هيه ممعقده ابد جان ناقصه تعقيد اكثر طلعو ولحفله خربت ووصل لحجي لشيخ

-بويه ليش محجيت جان حجينه بالبت وفضيناها

-شيخ كلت اهدي لوضع بين نسواني واقنع البنيه

-بويه انت رايدها

-اي والله متمنيهه مو بس رايدها

-خلص بويه نحجي بيهه والي يكتبه الله يصير

-شيخ من بعد اذنك اروح انه اول لخالها اشوف رده وبعدين اخذك لان يعز علي اخذك درب من غير ماعرف يصير ولا لا

اتصل بيهه مترد الناس فضت طبيت لاامل كتلها لمي نفسج وروحي لهلج موانه الي مرتي تسويلي فضيحه كدام العالم

دزيتها بيد اخوي احمد لبيت ابوها وناي تلفونها نغلق سرى حصلت امها طلبت ناي بس كالتلها امها متريد تحجي هسه عوفيها

ناي: اعصابي نار طبت عمتي كالت سرى تريدج كتلهه بعدين قررت اني اكطع علاقتي نهائيا بقيصر لهنا وكافي شهل حب الي محصلت منه غير لعذاب ضليت3ايام بالبيت ورجعت لشغلي

الي يومين اداوم واجاني قيصر صارت مشكله بينه بنص الكراج

قيصر ماريدك يااخي هيه كوه

-انتي ليش الي يجيج ويتعذرج ويريد يرضيج اذليه موقيصر الي ينذل تره

-تمام احسبها مثل ماتحسبها بس عوفني بحالي

من يومها بعد مشفته فاتت 5شهور واجتنه امي ابن حماها ابو لقاعه يريدني وع اساس من البدايه امه كايله للامي يس صايره عدهم ضروف وماكادر يجي رفضت لموضوع اصلا هاي لضلت من طرف امي انوب طول الفتره الي راحت لاقيصر اتصل ولااني اتصلت اجتنه كم مره سرى اكدت انه اهمال ومشاكل وع اساس هوه معتكف اعصاب صاير ميتحمل احد امل ابوها مرجعها وهوه عازل روحه عن الكل ويسئل سرى عن اخباري عمتي سمعت ان نسوانه وسوالفهن وكذا كالت اي عيني حقه يزوج سرى كالت اي لعد شحجينه

ام سرى: اي عيني حقه يزوج بس بعيد عنه مويمنه

سرى حامل 7شهور هيه من ليلتها حبلت وتقدملي ولد اخوه يصير صديق زيد مره اجه ده يسئل ع الامتحانات همه سادس اعدادي واخوه مكضيها لعب اجه عود يسئل زيد جان مموجود طلعتله اني

السلام عليكم

وعليكم السلام

اختي بله زحمه بلكن تصيحيلي زيد كوليله ياسر اخو ثامر

-والله زيد مموجود كولي اخي محتاجه بشي

-والله اني اخو ثامر صديق زيد

-اي ي اعرفه

-حبيت اسئل عن الامتحانات لان ثامر مكضيها لعب واني كل 10ايام انزل سبوع اداوم بالديوانيه وهوه لاعب بالوالده لعب

-اها خطيه الله يعينكم همه بدو امتحانات شهريه زيد يم لمدرس يمكن عدهم احياءباجر

-لاصدك

-اي والله يمكن لحضه اجيب التلفون ادكلك اسئله دخلت سئلت عمتي كتلها طلعت لان تعرف امه وسلمت عليه طلعت بيدي التلفون اتصلت بزيد كال اي باجر احياء خطيه تصركع من سمع تشكرنه وراح وره يومين جتي امه تخطب عمتي كايلتلها اشوف لبنيه

اول مطبيت للبيت تلكتني اكلت كلبي اكل ورده وملازم اول خوش رجال ورتبه وووو

عمه اجلي لموضوع

شنو اجلي ولج شمنتضره انتي فضيها وين تلكين هيج قسمه اني كلت لاامه اشوف لبنيه بس راح اخابرها اتجيبه وتجي كعدي احجي وياه يجوز يعجبج

عمه فدوه سدي هل موضوع

-ناااي المن منتضره ابو النساوين

عمتي سوت لبراسها وره يومين اجوي رجال جبير ابوه وامه واخته وهوه وياهم لولد شفته من اجه يسئل اسمراني طوخ شويه بس مرتب عمتي ع راسي من الصبح اخر شي حاجتني سرى

هااا شسويتي

شسوي يعني امج ع راسي واكفه اخر شي زعلت متحاجيني وكل حجايه وكالتلي تردين ابو النساوين راح اكوم ابدل ارضيها اشوف ا****عه بس من يطلعون اكوله لخالي يسد السالفه لان ماكو غير ابوج يكدرلها سديته منهاجان عندي محكمه ليوم مكياج الصبح نفسه بس عدلته ونفس السيت الي لابسته الصبح لبسته مابيه حيل اكعد اطلع هدوم وا**سوار وهوسه طلعت سلمت وبده الحديث الولد وجهلي سؤال بحجه ده يسئل ع شي بالقانون فجاوبته بس اني من لبدايه كلت ارفض بعد ماشفته زاد الرفض عندي مولخلل بالولد لا انسان بسيط بس من اول مكعدت وشفته جنت ادور قيصر بيه واقارن اي حركه يسويها بحركات قيصر وهذا ضلم لنفسي واله اذا بمجرد تعارف اقارن بينهم لو ازوجنه شلون راح اعيش وياه اول مطلعوا خالي كال نسئل عليه كتله خالو سد لسالفه لولد مومناسب الي

ام سرى: اشفتي منه انتي حته مومناسب

-عمه ممرتاحه للموضوع سدوه

الخال: ناي بابا اني مااغصبج بس صار كم واحد ونفس الرد انتي حره بابا بس تره الانسان يكبر ميصغر لاتنغرين بشبابج وبعدج صبيه وجميله يجي يوم ايروح هذا والانسان يريد حواليه اولاد واحد يشاركه حياته فكري بابا بسالفه متخسرين احنه مراح انرد خبر هسه اخذي قرار بعد تفكير

كمت لغرفتي كلام خالي صح بس بله بس ناي فكري متخسرين دكيت ع سرى كتلها السالفه كلها تعشيت ونمت من وكت لان عندي محكمه الصبح بنومي صوت التلفون بذني ايدك فتحت عيني صوته يم راسي شفته رقم سرى ليفوك بشاشه الساعه 2:30 خير ياربي الوها سرى

طلعي

قيصر

طلعي لااهجم البيت ع راسج

طلعي

وين انت

كبال الباب طلعي

قيصر: روحي مفرفحه مطايق احد لاكادر انساها ولاكادر اروحلها لان هواي نزلت من نفسي الها فحاير بين حبي وبين كبرياائي

عدنه موسم حصاد رجعت للبيت ساعه 11:00بليل كاعد بديوانيه الداخليه ويه الشيخ فهمته شسويت اليوم وكامو كل واحد لغرفته اني كاعد ادخن محمد بعده مكام طلعو كلهم كالي لشوكت حتضل بهل حال انت

-محمد موبيدي مثل بالع لموس لاكادر اطلعه واخلص ولاكادر ابلعه وارتاح

-والحل شنو لبنيه وراح تنخطب شتريد بعد انت

-منو تنخطب ناي

-اي قيصر هذا هوه عوفها هيه اختارت حياتها

-شتحجي انت والله اهدر دمها وماتصير لغيري والله دفعته صعدت لغرفه احمد غراضي بيها عندي سلاح بحزامه شلته ونزلت صار بوجهي محمد ولك وين كتله اريد رقمها سرى طلعت من غرفته ع صعده الدرج وصوت محمد

سرى اطيني رقم ناي

-شسوي بي قيصر

-رحمه ل الله لحد يسئل شي اطيني رقمها

محمد: اي دكعد خابرها وافتهم روحي سرى جيبي تلفونج اطيه الرقم

-جتي سرى بيدهه التلفون تكلب بيه وتباوع ع محمد عرفتهم يردون يلهوني جريت التلفون من ايدها الدرج صار شبختين محمد ورايه يصيح قيصر شغلت سيارتي وطلعت اويلي بي ناار تحرك الاخضر وليابس اعلمها لتريد تنخطب اذا مخليت طلقه براسها

جمعه مباركه

نرجع من مكان ماتوقفنه وجدا اسفه لان عذبتكم بس مكان قصدي اكرر اعتذاري وطبعا شكرا للرائعه بقايا امل الي نقذتني ونقذتكم