الشيخ والعشق

اسمي قيصر الابن الاكبر للشيخ داود الفهداوي عندي 6خوان وماعندي اخت بنت اخواني ناصر .صادق. سورير .احمد .مصطفى. محمد ابويه متزوج ثنين الاولى حجيه نوال مصار عنده اولاد منها فا اقترحت عليه يزوج لان هوه شيخ ويرادله ذريه زوجته بنت عمتهه كان ام امي متوفيه وعايشه امي ويه حجيه نوال ومثل الخوات خطبتهه لاابوي وصرنه الحمدلله 6ولد من امي زهره لكن الحجيه نوال هيه الشيخه وهيه الي ربتنه كلنه واولهم اني تربيت ع ايدهه لان امي بسرعه حبلت بااخوي ناصر فربيت بين ايد امي الشيخه نوال مايوم احد حس انهن ضراير جانن اكثر من الخوات راح ابدي وياكم من كان عمري18سنه واني راجع من الولايه وفرحان ناجح باامتحاناتي ورافع راس ابوي رجعت ولكيت الكل باانتضاري وبشرتهم والكل فرح ونجمعنه حته نتغده بديوانيه انه وعمامي 3وولدهم والاهل ابو قيصر: الحمدلله الي مافشلنه ورفع راسي بوليدي عين ابوه وفرحتي الاوله واليوم اني قررت ازوجه وماكو احسن من بنات عمه يصوننه ويصونن بيته وكدام لحاضرين اطلب رقيه بنت اخوي صالح لاابني قيصر صالح: كبع واخذ ياخوي اني براسي اوصلهه لبيتك قيصر: ابويه خطبلي حته من غير ميأخذ رائي الامر مكان مهم عادي ازوج واتعلم عليهه اصلا ماجنت لاحاب ولاعندي وحده حاط عيني عليهه تم لزواج واخذت رقيه بنت عمي حبابه وطيبه وفقيره مالهه شغل باحد تعرف تخبز وتنضف وتقوم بواجب بيتهه وبس لاتعرف جمعه نسوان وقال وقيل ولاتعرف حته تناقش احد عندهه كلشي اي والي تشوفه ازوجت بالعطله وبعدهه رجعت لبغداد حته اكمل دراستي دخلت كليه اداره واقتصاد وبديت اداوم وبايام العطل اروح لديرتي تتلكاني زوجتي واهلي اساعد ابوي بال اكدر عليه بديوان واتابع الفلح الحمدلله مثلنه مثل العالم الي عايشه محافضات وخصوصا الي يكونون بمناطق زراعيه عدنه كياعين وحلال والله رازقنه من فضله صار عندي اول بنيه بالعائله سميه فرحنه بيهه بس ابوي كال الشيخ يرادله شيخ والشيخ الي من بعدي قيصر ولازم يكون عنده ولد حبلت بسرعه رقيه. وجابت سحر الحمدلله صارن ثنين بنات انقهرت لكن كان عندي ايمان بربي ان مااخلق منه لاشعره ولااضفر وضلت حايره بين سميه الي هستوهه تخطي عمرها سنه وكم شهر وبين سحر وانه ملتهي بكليتي اسكن بسكن داخلي للطلاب اشوف كل واحد يحجي عن الحب ويسمع اغاني كنت متحفظ ماعندي علاقات حبي لبناتي وبس منعت رقيه من الاطفال اتفقت وياها تسمع واطنش لحد مايكبرن لبنات ازوجو اخوتي ناصر وسورير بيوم واحد خذو بنات عمي عدنان خوات صارن للاخوه والله رزقهم ذريه ناصر صارت عنده بنت وسورير عنده ولد الله يحفضه تخرجت من الجامعه والتزمت ديوان ابوي واخوتي كل واحد ملتهي بدراسته انه اول واحد كملت بيهم بناتي صار عمر سميه 4سنين وعمر سحر 3وحبلت رقيه وهاا طبت بشهرها وخالي اخو امي صارت عليهم طلابه وماعنده احد اجه ذب جرش ويانه وحليناله الطلابه انه وابوي خالي عنده2بنات و3ولد البنات اكبر من عدنه كلنه وحده اكبر مني ب3سنين ووحده اكبر مني بسنه والولد اصغر من عدنه ابوخالد(خال قيصر) :اشكر منكم ع وكفتكم ويايه وماانساه عمري كله واني ماانسه وكفه شيخ قيصر وكدام لحاضرين اطيه بنتي امل هديه للشيخ ابوقيصر: هديتك مقبوله ونعم منك وان شاءالله بنتنه طلعت من بيتك لبيتنه قيصر: امل اكبر مني بسنه ضليت شايل هم رقيه خطيه اكيد راح تنقهر وهيه ع وجهه ولاده سمعت بالخبر وحسيتهه نقرت بويه رقيه انتي ام بناتي والغاليه تعرفين بت خالي هديه وعيب مااقبلهه تعرفين هل عادات عدنه ولازم تعذريني رقيه: لا لتشوفه براحتك بل يرظيك لااكلهه ولاراح تاكلني قيصر: اصيله وبت اصول وضلين بنت عمي وتاج فوك راسي بست راسهه وحسستهه اضل هيه الاهم وبالفعل مكنت مفكر بزواج ثاني عايش حياتي بين بنات وديوان ابوي واهتمام بالحلال والكياعين كل يوم اوكف ع ايد الفلح اشوف شيحتاجون وشنو لمحصول ولحلال عمري23سنه تزوجت امل بنت خالي نسبه لجمال رقيه اجمل منهه اغلبنه انشابه جدنه الله يرحمه ابو ابوي جانت عيونه جوزي عله صفار ورقيه واني ومحمد اخوي وكم واحد من ولد عمي اخذنه لون لعيون رقيه صاحبه بشره بيضه امل عيونهه سود. وبشره ايضا بيضه مائله للاحمرار قبل مااتزوج امل ولدت رقيه وجابت سماح امي نقهرت لان صار عندي 3بنات مقبلت لهل كلام وكلتلهم بركه اربيهن تربيه صالحه ادخل لجنه بيهن مانكر اني مثلي مثل اي رجل يتمنه لولد بس رب العالمين مكاتب وع كولت لكايل بطن لتجيب البنت تجيب لولد امي نوال قريبه كلش مني جنت من اريد احجي لبكلبي وسري لااحد ماروح لغيرها ولعربان تصيحلها ام قيصر لانها ربتني وهيه كلش عزيزه وغاليه ع قلب الشيخ جان يكولي امك الشيخه حب العمر امك غاليه بس الشيخه نوال حب الصبه جانت تسئلني منو تحب من نسوانك ههههه ثنينهن غاليات يمه -اعرف ثنينهن غاليات بس منو العدهه هل كلب -بناتي يمه بناتي -هههه اي ياقيصر الي ماشرب من كاس الحب وضاق عذابه حياته خساره -ههههههههه خلينه يمه بعاد نسواني بنات حموله والحمدلله راضي واحبهن ثنينهن امل حبلت وصارت الامال عليهه بالولد امي تكول طالعه علي بنت اخوي اكيد خلفتهه ولد ولدت وجابت زينب الله يحفضها وصارت منافسه بين نسواني منو تحبل قبل الثانيه حبلت امل وراها رقيه وثنينهن حبل وحده تكول للثانيه انه ام لولد رقيه مكمل حملهه سقطت وصارت امل تغيظه بحملهه وانه راح تجيب لولد قبلها وصلني لحجي من امي نوال لان امي جانت تغطي ع بنت اخوها اخذت جزائها واهلهه مارضو عليهه عدت الايام ولدت فاطمه الي ربي ماكتبلهه تعيش ماتت وهيه بنت 3ايام من جت لدنيه تعبانه و3ايام بالمستشفى وسلمتها ل الله صارو 4بنات عزيزات كلبي امل ورقيه رجعن يتنافس منو تقنعني حته تحبل وهنه جهالهن واص و ويص كتلتهن بليله ثنينهن وعزلت فراشي عنهن ثنينهن جانن مشاكلهن ع الخلفه ومنو ام تصير للولد وماعندي طلابه غير رقيه كالت وامل حجت عزلت عنهن شهر كامل تعبت من هل سوالف وياهي الي اروح يمهه اسمع هوسه جهالهه بعدهي ترضع وتريد تحبل تصالحن وطلبن السموحه وحلفت عليهن يمين الي تحبل منهن يكبرن بناتهن والله كريم رقيه-امل: الي تريده شيخ انسوي الي يرضيك قيصر: بويه الي يرضيني اطب بيتي ارتاح مواحل مشاكل نسواني لولد لابيدج ولابيدي بيد رب العالمين اهتمن ابناتجن وبنفسجن انه رجال ماريد بس خلفه وبس هدمه نضيفه وبيت واكل اريد مره تهتم بروحهه وترتب نفسهه مواجيجن الكه صريخجن وصريخ بناتجن خايبات امي الشيخه نوال هم تحط ديرمه بحلكهه وانتن وحدتجن جنهه عريف شلتاغ نايم يمي وماتردن غير خلفه وولد بويه عقلن فاتت فتره والتهن بالبنات بين فتره وفتره تصير بينهن سالفه وامي الشيخه نوال كالتلي مايخصك انه الزمهن خلصتني شوي منهن زوجنه صادق ومصطفى واحد اخذ بنت خالي اخت نوال ولثاني اخذ وحده من بنات العمام والحمدلله كلنه عايشين ابيت واحد بيوم اجاني اخوي احمد بس مهموم احمد: شلونك يخوي قيصر: بخير ياغالي شبيك يخوك ليش مغيمه عندك احمد: والله قاصدك بشغله يخوي قيصر: مكضيه ان شاءالله يعيون اخوك كول بويه احمد/ابوسميه اني حاب وحده من لولايه شفتهه وحبيتهه واريد امشي عليهه قيصر: ليش لا يخوك موغلط وانت اتاخرت قبلك احنه بعمرك عدنه بزر وياك بالكليه خويه احمد: لا بعدهه طالبه ثانويه اخت صديقي شفتهه وعجبتني قيصر: سهله يخوي ليش محملهه اكثر من جحمهه احمد: حاجيت امي يخوي ورفضت قيصر: اها ليش احمد: تكول ماطبب غريبه لبيتي ومن سمعت من بغداد كامت تلطم قيصر: ههههههه كوم يخوي اذا الله راد مكضيه احمد: مشكور يخوي بس اريدها بااسرع وقت لان البنت بنت ناس اجاويد واخاف تنخطب اريد بس احجزها الي قيصر: تدلل يخوي اضاهر انك واكع ياابن امي وابوي احمد: اييييي يخويه حبيتهه هنا سكنت بوسط ص*ري قيصر: هههههه كوم يخوي كوم الله يريح كلبك طلع احمد بعد مباس راسي كلامه جان مثل الي يتوسل انهه تصير اله هيج لحب يخلي الواحد ملجوم ويريد بس اينول الي يحبه سولفت ل امي لشيخه وطلبت العون منهه حته نقنع ابوي لان مايردلها طلب والحمدلله قنعنه ابوي ووافق بعد ماسئل ع اهل البنت وطلعو ناس اجاويد ومعروفين احمد جان يدوس كليه تربيه لغه عربيه تخرج وتزوج يمنه طلع تعينه ببغداد اخذ زوجته وبنته عمرهه كم شهر وانتقل لبغداد واخذ محمد اخوي وياه لان كليته ببغداد ماشيه ايامنه بحلوها وبمرها صار عمري 28بناتي كبرن سميه صف سادس وسحر صف خامس وسماح ثاني وزينب اول اخوي صادق شالع كلبي كل يوم داخل بشغله شكل موشغله عوجه لامحشوم بس ياداخل شريك ويه واحد وتعاركو يا ضارب سيارته واحد واخرشي اجانه للديوانيه ايدك ع راسه خير خير صادق: لحكولي راحن فلوسي ابوقيصر: خايب شسويت بعد صادق: بويه اشتريت كاع هناك ببغداد برضوانيه وراحن فلوسي قيصر: وشوداك لبغداد من صغر ديرتنه لوخلصن الكياعين هنا صادق: كالي عليهه ابو عماد صاحبي مالته ومال اخوانه ورث ابوهم اشتريتهه منهم وخسرت كلشي لحكولي ابوقيصر: يول اذا ابو عماد واخوته بايعيلك شنو الصار فهمنه صادق: بويه طلع ابوهم متزوج ثنين وهمه يدرون عدهم خوان من ابوهم وخوانهم ممتنازلين وفلوس لكاع راحن لان عدهم خوات قاصرات وابوعماد وخوانه سحبو ايدهم ومايرظون يردون فلوسي قيصر: هوه بمزاجهم يايطون حك اخوتهم يايردون الكاع صادق: خويه ابوسميه احب راسك الكاع انه اريدهه حلهه ويه خوان ابو عماد ابوقيصر: بويه مايصير خذفلوسك واخذلك كاع بولايتك كدام عينك شوداك لذاك لصوب قيصر: صارت طلايب ع هل كاع ابوعماد صديق صادق جر ايده وصادق يصيح اموت ولاالكاع انه اريدها وخوان ابو عماد مايقبلون يتنازلون وبيوم اجانه تبليغ قايمين دعوه عله صادق وهوسه ليها اول مالهه تالي احمد اخوي كال ع محامي لان لازم تنحل مدامهم معندين قيصر: والله بويه احسن حل لان ماعدنه وياهم دم حته اندكهم وماقبلو نحلهه ودي اختارو هل طريق واحنه خل نمشي وياهم بطريقهم لان لسالفه بيهه قاصرين يعني لازم يتدخل القانون احمد: عمي ابو زوجتي يعرف محامي صديقه كلش وخوش انسان راح اكول لعمي يخابره ياخذلنه موعد حته نروح ونشوفه لقضيه ابو قيصر: قيصر بويه انه ماكدر كل يوم اروح وارد لبغداد انت تسد بمكاني قيصر: تم يابوي ع راسي ابوقيصر: خلص بويه توكلو شوركم وهدايه الله