Chapter 17
CLYDE
Mula rito sa kung saan nag-park si Nathan ng kotse, tanaw ko ang picture ni Mom na malaki ang ngiti na nakalagay sa isang picture frame na malaki at nakatayo sa may labas ng chapel. Nakabukas ang chapel, kaya tanaw ko na rin ang kulay puting kabaong kung saan nakahiga ang wala nang buhay na si Mom.
"Clyde..." mahinang pagtawag sa akin ni Nathan.
Tinanguan ko siya, bilang pagsasabi na bababa na rin ako.
Bago ko pinilit ang sarili ko na tumayo, pinunasan ko muna ang mga luha kong sabay-sabay nang bumababa sa mga pisngi ko. Pero kahit anong punas ko, may panibago pa ring tutulo.
"Paalalayan naman ako..." sinabi ko kay Nathan at Jay habang pinipilit ko ang sarili ko na makagalaw mula sa kinauupuan ko. Latang-lata talaga ako.
Nang makapasok na kami ng chapel, hindi ko na
